Монгол улсын барилгын салбарын хөгжилд хувь нэмэр болохуйц нэгэн үйл явдал өчигдөр болж барилгын материал, хийц, бүтээц, эдлэхүүний сорилт шинжилгээний лаборатори шинээр  үүдээ нээлээ. Олон улсын итгэмжлэгдсэн лабораториудад ашиглагдаж буй орчин үеийн тоног төхөөрөмжөөр тоноглогдсон уг лаборатори нь БНХАУ-ын Барилгажилт, хот хөдөөгийн яам, Монгол улсын ЗТБХБЯамны хамтын ажиллагааны хүрээнд буцалтгүй тусламжаар бэлэг болон ирж байгаа юм байна.

 

 

 

Тус лаборатори нь хуванцар хаалга цонхыг Монгол улсын MNS 4757-99 стандартаар, бетон арматурыг MNS 1275-1999, MNS 3173-2002, MNS 2122-1985 стандартаар, будгийг MNS 5252-2003, MNS 3646-2003, MNS 4584-2003 стандартаар, хөрсний дээжийг шаардлагатай үзүүлэлтүүдээр нь, керамик хийцүүдийг MNS 0138-2005, MNS 5175-2002, MNS 3835-2003, MNS 3905-2000, химийн холбогч материалын лаборатори нь MNS 836-2000, MNS 0963-1991, MNS 0974-2008, MNS 0975-2002, MNS 3072-1998 стандартуудаар тохируулан сорилт хийн шинжлэх бол чийгшүүлэгч өрөө нь бетон болон цементны сорьцыг 28 хоногийн турш 98%-ийн чийгшилттэй орчинд хадгалан бэхжүүлж сорилт шинжилгээ авах зэргээр барилгын гол түүхий эд, хийц, эдлэхүүний шинжилгээг 140 гаруй үзүүлэлтээр гаргах хүчин чадалтай аж.

 

Шинээр байгуулагдсан лаборатори Хан-Уул дүүрэг дэх “Бетон арматур” компанийн байранд байрлаж байна.