Зурвас бичих
Messenger
Залгах- Нүүр
- Мэдээ, мэдээлэл
- Barilga
- 2019-11-05
Зарим чиглэлийн замыг ирэх сарын 1-н хүртэл хаана
Улаанбаатар хотод бохирын 25 дугаар коллекторыг шинээр суурилуулахтай холбогдуулан 32 чиглэлийн тээврийн хэрэгслийн маршрутад өөрчлөлт орлоо. Нийтдээ 3.5 км урттай бохирын шугам байрлуулах ажил энэ орчмын замд 20 хоног үргэлжлэх юм. Шугам хоолой суулгах ажлын хамт зам засварын ажил ч хийгдэх гэнэ. Баруун дөрвөн замаас Бөмбөгөр, Чоймболын гудамж уг засварын хугацаанд хаагдана. Тухайлбал, хотын баруун чиглэлээс Бөмбөгөр хүрдэг байсан тээврийн хэрэгслүүд Энхтайваны өргөн чөлөөнөөс 40 мянгатын уулзвараар буюу “Ард” кино театрын урдуур хойд зам руугаа эргэнэ. Энэ чиглэлийн микро автобусууд баруун дөрвөн замын уулзвараар буцаж эргэх буюу тэдний эцсийн зогсоол нь баруун дөрвөн зам болох юм байна. Мөн хойд чиглэлээс Яармаг худалдаа руу хүрч үйлчилдэг бага оврын микроавтобусууд Гэсэр сүмийн урдуур буцаж эргэнэ. Харин нийтийн тээврийн том оврын автобусууд хойд чиглэлээс Яармагийг зорихдоо Баянбүрдийн тойргоос Тасганы овооны замаар Амарсанаагийн гудамж буюу Модны 2-ын гудамжинд нийлж үндсэн маршрутдаа орох болж байгаа гэнэ. Нийслэлийн зүүн чиглэлээс хүн тээвэрлэдэг Сонсголон, Орбит, Баянхошууны чиглэлийн их багтаамжийн автобусууд Гэсэрийн уулзвараар буцаж эргэн Хүнсний I дэлгүүрийн өмнөх уулзвараар баруун урагш бага тойруу, 40 мянгатын уулзвараар баруун тийш эргэн Энхтайваны өргөн чөлөөнд нийлж үндсэн маршрутдаа орохоор болсон байна. Дээрх замыг ирэх сарын 1-н хүртэл хаах ажээ.