Монголын барилгын нэгдсэн вэбсайт “BARILGA.mn”-ээс зохион байгуулж байгаа барилгын салбарын ААН байгууллага, хөрөнгө оруулагчидыг нэгтгэсэн “Монгол барилга-2007” үзэсгэлэн яармаг Мэдээлэл технологийн үндэсний паркийн үзэсгэлэнгийн танхимд нээлтээ хийлээ.
Үзэсгэлэн яармагт нийт 30 гаруй ААН байгууллагууд оролцож байгаа бөгөөд ХХБанк, Голомт банк, Хаан банкнуудын барилга орон сууцны урт хугацаат зээл, MCS Эрчим хэмнэлтийн төвийн тоног төхөөрөмжүүд, Хасуу констракшнийн орон сууц, Бат сарай компанийн импортын барилгын материалууд, Орос хийцийн цэвэр модон байшин, Нэмэх трейдийн тоосго блокнууд, Номуун ундрахын төмөр хийц, Жэйл Баянбогд компанийн сүүлийн үеийн обойнууд, Европе Азиа, Пенетрон Герметикийн барилгын материалууд, тоног төхөөрөмжүүд олны сонирхолыг татаж байлаа. Үзэсгэлэн яармагийн гол ач холбогдол нь Засгийн газрын “40000 айлын орон сууц”-ны хөтөлбөрийг хэрэгжүүлэхэд шийдвэрлэвэл зохих хөрөнгө оруулалт, орон сууцны санхүүжилт,   амины орон сууц, шинэ орон сууцтай болох, барилгын материалаа сонгох зэрэг асуудлыг иж бүрнээр шийдвэрлэхэд оршино.
“Монгол барилга-2007” үзэсгэлэн яармаг 2007 оны 5 сарын 16-наас 18-ны өдрүүдэд 10.00-19.00 цагийн хооронд Мэдээлэл технологийн үндэсний паркийн үзэсгэлэнгийн танхимд болно. Та бүхнийг хүрэлцэн ирэхийг урьж байна.