МОНГОЛ БАРИЛГА-2007 үзэсгэлэн яармагийн шилдэгүүд тодорлоо.

Barilga
2019-11-05

МОНГОЛ БАРИЛГА-2007 үзэсгэлэн яармагийн шилдэгүүд тодорлоо.

Засгийн газраас 2007 оныг “Их бүтээн байгуулалт, шинэ ажлын байр нэмэгдүүлэх жил” болгон зарласантай холбогдуулан “barilga.mn” Барилгын зөвлөгөө мэдээллийн төвөөс “Монгол Барилга-2007” үзэсгэлэн яармагийг 2007 оны 5-р сарын 16-18-ны өдрүүдэд Мэдээлэл Техонлогийн Үндэсний Паркад амжилттай зохион байгуулсан бөгөөд барилгын салбар эрчимтэй хөгжиж байгаа өнөө үед үзэсгэлэн яармаг гарч буй нь цагаа олсон хэрэг гэж олон хүмүүс үзэж байлаа. Уг үзэсгэлэн яармагт барилга угсралт, барилгын материалын үйлдвэрлэгч, худалдаа эрхлэгч, барилга орон сууцны хөрөнгө оруулагч, зураг төслийн байгууллага зэргийн барилгын салбарт үйл ажиллагаа эрхэлж буй 30 гаруй аж ахуйн нэгжүүд оролцож бараа бүтээгдэхүүнээ сурталчилж байснаас өөрийн гэсэн онцлог шинж чанар, давуу тал, хийж бүтээсэн зүйлсээрээ дараахь аж ахуйн нэгжүүд үзэсгэлэн яармагийн шилдэгээр тодорлоо. “Шилдэг үндэсний үйлдвэрлэгч”-ээр “Монгол Базаалт” ХХК, “Шилдэг хөрөнгө оруулагч”-аар “Голомт банк”, “Шилдэг барилга угсралтын компани”-аар “Хасуу констракшн” ХХК, “Шилдэг импортлогч”-оор “Хьюндай элеватор” ХХК, шалгарсан бол шилдэгийн шилдэг “Гран-При”шагналыг “Орос хийц” ХХК Орос хийцийн байшингаараа шалгарлаа. Залуу бизнесменүүдийг дэмжих зорилгоор Barilga.mn-ээс 1 жилийн ‘GOLD’ ангилал, 1 сарын баннерийн эрхээр “Номуун Ундрах”ХХК-ийг шагналаа. Үзэсгэлэнд оролцогч байгууллагуудын сурталчилж буй бараа бүтээгдэхүүнүүд чанарын өндөр түвшинд хийгдсэн нь үзэсгэлэнг зорьж ирсэн хүмүүсийн анхаарлыг ихээхэн татаж байсан юм.