Доорх айлын хувьд 2 давхар хувийн орон сууц бөгөөд уужим цэлгэр зочны өрөөтэй. Иймээс бид энэ өрөөг байгалийн натурал модон тавилга, арьсан буйдангаар тохижуулахаар шийдэж, камин зуух байрлах ханыг байгалийн чулуугаар загвар гарган шигтгэж хийсэн. Ингэсэнээрээ ил гарын дэргэд байгальд сууж байгаа мэт таатай сэтгэгдэл төрүүлэхээр болсон. Тавилга, буйдан зэрэгтэйгээ уялдуулан ханын цаасыг үл мэдэг хээтэй зөөлөн шаргал өнгөөр шийдсэн бөгөөд ингэснээр илүү дулаан таатай орчинг бүрдүүлдэг.

 

Гэрэлтүүлэг нь интерьерт хамгийн чухал үүрэг гүйцэтгэдэг бөгөөд өрөөний тав тух, өнгө төрх гэрэлтүүлэгээс ихээхэн хамаарна. Уг айлын хувьд тааз нь харьцангуй намхан тул аль болохоор одоо байгаагаас нь намсгахгүйгээр ерөнхийд нь эмжих маягаар олон төрлийн элмент агуулсан давхар уналтуудыг хийж, завсарын болон жижиг нүдэн гэрлүүдээр чимэглэсэнээр өрөөг улам цэлгэр гэрэл гэгээтэй болгосон. 

  

Орчин үед цагтай уралдан ажил, амьдралаа амжуулж байгаа бидэнд халуун ам бүлээрээ цугладаг бараг ганц газар бол хооллох ширээ. Энэ чухал хэсгийг төлөвлөхдөө цэвэр цэмцгэр, гэрэл гэгээтэй, тав тухтай орчин бүрдүүлэх нь хамгаас чухал. Бидний танилцуулж буй байрны хооллох хэсэг нь зочны өрөө, галын өрөө хоёрын дунд, зочны өрөөнөөс аркаар тусгаарлагдсан, дугуй цонхтой хэсэгт байралсан. Тиймээс зочны өрөөний тавилгатай ижил модон материалтай, орчин үеийн загвартай, бат бөх хооллох ширээ, сандал, тек зэргийг сонгосон бөгөөд галын өрөөнөөс тусгаарлах үүднээс шал болон ханыг материалын болон өнгөний хослол гарган төлөвлөсөн.

 

 

Мөн мэдээж таазыг өрөө тасалгааны онцлогийг тусган тавилгаа тодотгохоор дизайнтай хийж голд нь гоёмсог гэрэл байрлуулж өгсөнөөр энэ өрөө нь энгийн хэрнээ тансаг, чамин, тав тухтай орчинг бүрдүүлсэн. За ингээд та бүхнийг ажиллаж, амьдарч буй орчиндоо хэрхэн гэрэл гэгээ, тав тух нэмэх талаар багахан ч болов санаа авсан гэдэгт найдаж байна. Бид дараагийн дугаараар энэ айлыг цааш нь үргэлжлүүлэн танилцуулах болно.

 

Хүүхдийн өрөө: Энэ бол бидний бүхнээс илүү хайрлаж, энхрийлж, цаг ямагт санаа тавих ёстой айл бүрийн хамгийн чухал гишүүн билээ. Тиймээс хүүхдийн өрөөг тохижуулахдаа энд тэндээс гологдож, шилэгдсэн хуучин тавилгуудаар дүүргэх биш харин ч хүүхдийн хүсэл сонирхолд нийцсэн, цэвэр цэмцгэр, аюулгүй орчинг бүрдүүлэх хэрэгтэй.

 

Бидний тохижуулсан эхний өрөө нь бага насны хүүхдийн өрөө учраас сонилхолтой байлгах үүднээс таазыг хагас дугуйрсан уналттай, ханын цаасыг янз бүрийн түвшин гарган наасан. Мөн өрөөг хүүхэд тоглоход саад болох овор хэмжээ ихтэй тавилгаас зайлсхийж цэвэр модон тавилгыг хана дагуулан тавьсанаар өрөөний гол хэсэгт өргөн цэлгэр болсон.

 

Унтлагын өрөөг сонгодог загвараар хийхээр төлөвлөсөн бөгөөд уг өрөөг сонгодог хэлбэрийн цайвар тавилга, түүнд зохицсон нарийн хийцтэй ханын чимэглэлээр чимэглсэн. Уг өрөө нь унтлаганы өрөөний хувьд харьцангуй том учираас орны хөлд нэмэлт багана босгон телевизор байрлуулсан.

 

Мөн гэрэл, хөшиг зэргийг тавилга болон ерөнхий интерьерт тохируулан сонгосоноор энгийн байдаг нэг өрөөг илүү тансаг чамин болгосон. 

 

 

 

Бид шатны хонгилын хэсгийг нэгэн хэвийн уйтгартай байдлаас зайлсхийж илүү сонирхолтой болгох үүднээс харанхуй доод хонгилыг зочны өрөөнд ашигласан байгалийн чулууг хананы модон тавиуртай зохицуулан хананд шигтгэн, шаланд чулуун плита, мөлгөр чулууг хослуулан шийдсэн. Ингэсэнээрээ ямар ч ач холбогдолгүй харанхуй хэсгийг интерьерийн нэгэн хэсэг болгон ашигласан. Мөн давхар хоорондын өндөр таазтай хэсгийг ашиглан таазны гэрэлтэй зохицуулан хана, таазанд нэмэлт эльмент оруулсанаар шатыг сонирхолтой, гэрэл гэгээтэй болсон.

Нэгдүгээр давхарын хонгил нь үүдний хэсэг, хонгил, хооллох хэсгээс бүрдэж байгаа тул таазыг хооллох хэсгийн таазны элементээс үргэлжилсэн хагас дугуйруулан хийсэн. Ингэсэнээр ерөнхий уур амьсгал нь нэг болж байгаач ханын цаасыг нэг хэсгээс нөгөө рүү өнгө болон, материалын ялгаа гарган хослуулсанаар нэг хэвийн байдлаас татгалзсан.

Хоёрдугаар давхарын хонгилын таазыг мөн адил хагас дугуйрсан уналттайгаар жижиг нүдэн гэрэл шигтгэн хийсэнээр хонгилыг бүхэлд нь гэрэлтүүлсэн.

Хэрэглээгээ бодсон ч нэгдүгээр давхарын шалыг пракетлан, шаардлагатай хэсгүүдэд орчин үеийн загвартай хивс дэвссэн бол, хоёрдугаар давхарын шалыг дрожлон, өрөө бүрт тохирсон өнгийн нэмэлт хивснүүдийн дэвсэж өгсөнөөр илүүтухтай болсон.

Мөн хаалгануудын хооронд хиймэл багана хийж дээрээс нь тусгалтай гэрлээр гэрэлтүүлэн, шаланд нь шатны хонгилд ашигласан чулуун плитаг шигтгэж өгсөн. 

 

 

БГД 13-р хороо, 3-р хороолол, Өргөө кинотеатрын ард, "Тана" мебелийн 2 давхарт

Утас/факс: 70111140

Утас: 96661322

E-mail: shift@shift-group.com

Web: www.shift-group.com