Бүгд найрамдах Чех Улсын Ерөнхий сайд Ян Фишерийн энэ сарын 2-4-ний өдрүүдэд манай улсад хийх айлчлалын багт Чехийн Худалдаа аж үйлдвэрийн танхимын дарга П.Кужелээр ахлуулсан бизнес группийнхэн ирж байна.

Айлчлалын үйл ажиллагааны хүрээнд энэ сарын 4-ний өдөр Монгол-Чехийн бизнес уулзалт болон ганцаарчилсан уулзалтууд болох юм.

 

Төлөөлөгчдийн бүрэлдэхүүнд барилгын материал, химийн үйлдвэрлэл, үйлдвэрлэлийн автоматжуулалт, автомат удирдлага, өргөн хэрэглээний болон хүнсний бараа бүтээгдэхүүний экспорт, импорт, худалдаа, хөрөнгө оруулалтын төсөл, банк зээл, гидрогеологи, уул уурхай, талх нарийн боов, эм, эмнэлгийн техник тоног төхөөрөмж үйлдвэрлэлийн чиглэлээр үйл ажиллагаа явуулдаг 30 гаруй аж ахуйн нэгж багтжээ. Төлөөлөгчид Монголын бизнес эрхлэгчид болон, Монголын үндэсний худалдаа аж үйлдвэрийн танхимынхантай уулзаж, цаашдын хамтын ажиллагааныхаа талаар ярилцан Монгол-Чехийн Арбитрын ерөнхий гэрээнд гарын үсэг зурах ажээ.

 

Монцамэ