Цагаатгах ажлыг удирдах зохион байгуулах нийслэлийн салбар хороо хуралдан зарим хүмүүст байр, мөнгөн тэтгэмж өгөх асуудлыг шийдлээ. Хэлмэгдэгсдийн өдрөөр таван хүнд байр, 15 хүнд 50 мянган төгрөгийн, мөн Чингэлтэй дүүргийн дөрөвдүгээр хорооны иргэн Д.Доржсүрэнг орон сууцны дараалалд оруулсан бол Баянзүрх дүүргийн 12 дугаар хорооны иргэн Д.Надмид, 23 дугаар хорооны иргэн Янжин, 14 дүгээр хорооны иргэн Мядаг нарт зургаан сая төгрөгийн мөнгөн тэтгэмж олгох аж.

 

 Хэлмэгдэгсдийн дурсгалыг хүндэтгэх өдрөөр хүндэтгэлийн төв хөшөө болон Сонгинохайрхан уулын ар талын булш, Хамбын овоонд цэцэг өргөж хүндэтгэл үзүүлнэ. Үүнээс гадна 10.00-13.00 цагт замын хөдөлгөөнд оролцож буй машинууд гэрлээ асааж хүндэтгэл үзүүлэхээс гадна шашны байгууллагууд буяны ном хурж, зул өргөн, ерөнхий боловсролын сургуулиудийн хүүхдүүдэд хэлмэгдэл, цагаатгалын тухай лекц уншина.

 

Монцамэ