Засгийн газрын бондын хөрөнгөөр Төв аймгийн Зуун мод суманд 30, 38 айлын орон сууц, Хуульчдын хотхоны барилга барьж байна. Эдгээрт нэг тэрбум гаруй төгрөг төсөвлөгдсөн бөгөөд барилгын ажил нь 30-90 хувьтай байгаа ажээ. 38 айлын орон сууцны барилгыг “Стройка” ХХК гүйцэтгэж байгаа бөгөөд ажил нь 90 хувьтай, дотор заслын ажил хийж, захиалга авч байна.

 

Хуульчдын хотхонд “Цома” ХХК 25 айлын орон сууц барихаар ОССК -тай гэрээ хийж, одоогийн байдлаар 12 айлын сууцны ханын өрөлтийн ажил, цахилгаан, халаалт дээврийн ажил дуусч, гадна, дотор заслын ажил 80 хувьтай байна. Харин 30 айлын орон сууцны барилгын зоорийн давхрын ажлыг гүйцэтгээд байсан “Мон-эко-тур” ХХК-тай ОССК гэрээгээ цуцалж, удахгүй ашиглалтад орох 38 айлын орон сууцны борлуулалтаас шалтгаалан зах зээлийн судалгаа хийсний дараа үргэлжлүүлэн барих асуудлыг шийдвэрлэхээр болжээ.

 

Монцамэ