Монгол Улсад Барилгын зураг төслийн салбар үүсэж, хөгжсөний 80 жилийн ой тохиож байна. Энэ хүрээнд олон ажил зохион байгуулсны нэг нь Барилгын зураг төслийн үзэсгэлэн байв. МҮХАҮТ-д нээгдсэн тус үзэсгэлэнд 73 компани 200 орчим бүтээлээ дэлгэн тавьжээ.

 

Түүнчлэн Улсын дуурь бүжгийн эрдмийн театрт болсон баярын хуралд үе үеийн барилгын зураг төсөлчид оролцлоо. Тус арга хэмжээг Зам тээвэр, барилга, хот байгуулалтын яам, Барилгын зураг төсөл зохиогчдын холбоо хамтран зохион байгуулсан юм.

 

Энэ үеэр ахмад архитектор Д.Цэвэлмаатай ярилцлаа.

 

-Баярлалаа. 1977 онд Москвагийн Архитектурын дээд сургуулийг төгсөж ирснээсээ хойш 30 гаруй жил энэ салбарт зүтгэж байна. Миний ажиллаж байсан Улсын барилгын зургийн төв институт 1990-ээд онд хувьчлагдсанаас хойш хувиараа компани байгуулан ажиллаж байгаа.

 

-Одоогийн байдлаар 300 орчим барилгын зураг төслийн ажлыг гүйцэтгэлээ. Үүнээс томоохон нь Монгол бөхийн өргөөнийх юм.

 

-Энэ салбар сүүлийн үед гэрлийн хурдаар хөгжиж байна. Үүнийг саяхан Монголд зохион байгуулагдсан Азийн архитекторуудын XV их хуралд оролцсон манай залуу архитекторуудын бүтээл нотоллоо. Сүүлийн үед олон чадалтай залуус энэ салбарт орж ирж байгаа нь барилгын зураг төслийн хөгжилд томоохон түлхэц болж байна. Барилгын чанар зураг төслөөс эхэлдэг. Тиймээс өмнөх үеийнхээ туршлага, шинэ цагийн ололт дэвшлийг нэгтгэж, сайн зураг төсөл гаргах хэрэгтэйг залуу архитекторууддаа захих байна.

 

Өнөөдөр