“Эрдэнэт үйлдвэр” ХХК-ийн Дулааны станцын техник, хүн хоёр зуны гурван сардаа амралтын дэглэмд ордог гэж хэлж болно. Харин энэ зуны хувьд тус станцын засварын хэсгийнхэн турбины өргөтгөлийн суурийг тавих том ажлын ард гарчээ. Өнөөдрийн байдлаар тус өргөтгөлийн хүрээнд зургаан насос шилжүүлэн суурилуулах болон турбины угсралтын суурийн засварын ажил хийгдэж 90 хувийн гүйцэтгэлтэй байна. Олон жилийн судалгаа, гэрээ хэлцлийн үр дүнд эхний ээлжинд 2.5 мгвт- ын хүчин чадалтай Америкийн “Dresserrand” фирмийн Т-58.37 маркийн 15.5 тонны жинтэй турбин ирсэн бөгөөд түүнийг суурилуулаад байгаа нь энэ юм.

 

Монголын эрчим хүчний тухай хуульд зааснаар үйлдвэр аж ахуйн нэгж нь дотооддоо цахилгаан эрчим хүч үйлдвэрлэх хүчин чадал нь таван мгвт хүртэл байхаар заажээ. Ингэхээр дахин 2.5 мгвт-ын турбин генераторыг тус улсаас оруулж ирэх шаардлагатай болж байгаа аж.

 

Засварын ажилд М.Батзориг мастертай эргэх механизм, өргөн тээвэрлэх хэсэг, Ц.Энхбат мастертай хаалт арматур, халах гадаргууны хэсгийн хамт олон, Баяжуулах фабрикийн засварын бригад, Барилга засварын “РСЦ” ХХК–ийн хамт олон ажилласан байна.

 

Монцамэ