Хятад, Монгол, Оросыг дамнасан төмөр замын барилгын ажил эхэлжээ
Barilga
2019-11-06
Хятадын хойд нутаг Ляонинд Хятад, Монгол, Оросын нутгийг холбох төмөр замын ажил эхэлсэн тухай "Синьхуа" агентлаг мэдээлжээ. Төмөр замын эхний ээлж Фусинээс эхлэн Өвөрмонголын Шилийн голын Баян-Уулд дуусах аж. Нийт 487.6 км төмөр замын ажилд 5.86 тэрбум ам.доллар төсөвлөсөн бөгөөд ашиглалтад орсон эхний З-6 жилд 12, 5-10 жилд 25, 10-15 жилд 35 сая тонн ачаа тээвэрлэнэ.
Фусинь хотын дарга Пань Лигогийн мэдэгдсэнээр Фусинь-Баян-Уулын дараа төмөр замын барилгын хоёр дахь ээлжийн ажил эхлэх бөгөөд Хятад Монголын хилийн зурвас Жунгадабуци хүрэх аж. Дараа нь Монголын газар нутагт үргэлжлүүлж Дорнод аймгийн Чойбалсангаар Оросын төмөр замтай холбоно.
Энэ оны нэгдүгээр сард Шилийн голын аймгийн Циньжоу, Фусинь хот, Ляонин тосгоны удирдлага Монголын Сүхбаатар, Хэнтий, Дорнод аймагтай стратегийн хамтын ажиллагааны гэрээнд гарын үсэг зурсан бөгөөд талууд дээр дурьдсан төмөр замын барилгын ажлын талаар гэрээн дурьджээ. Энэхүү төмөр зам ашиглалтад орвол Ази Европыг холбох томоохон гүүр болно гэж мэргэжилтнүүд үзэж байна.
SOCIAL MIRROR