Тендерийн баримт бичгийг түгээх, хүлээн авах явцын ил тод, нээлттэй байх боломжийг хангах зорилгоор ойрын үед цахим хэлбэрт шилжүүлэхээр болжээ. Тендер шалгаруулалтын явц хүнд суртал, авлигатай холбооотой хэл ам дагуулдаг болохоор техник технологийн орчин үеийн шаардлагад нийцсэн цахим худалдан авах ажиллагаа буюу цахим тендерийн үйлчилгээнд шилжих нь цаг хэмнэх төдийгүй төрийн алба, хувийн хэвшлийн төлөөлөл биеэр уулзан харьцахгүй болгож буйгаараа давуу талтай гэж мэргэжилтнүүд үзэж байна.

 

Сангийн яамны Худалдан авах ажиллагааны бодлогын газар санаачлан БНСУ-ын Засгийн газартай хамтран энэ талаар судалгаа явуулжээ. Эхний үе шат болох цахим тогтолцооны бэлтгэлийг хангах, үндсэн программ хангамжийг бэлтгэх 3.7 сая долларын өртөгтэй төслийг хэрэгжүүлэхээр тус улсын Засгийн газраас санхүүжүүлэх хүсэлт тавиад байна.

 

Монцамэ