40000 орон сууцны хөтөлбөрийг хэрэгжүүлэх анхны моргейжийн банк тодорчээ
Barilga
2019-11-05
“Капитал” банк Орон сууцны санхүүжилтийн корпорацитай хамтран “40000 орон сууц” хөтөлбөрийг хэрэгжүүлэх анхны моргейжийн банк болох санамж бичигт гарын үсэг зурлаа. Иргэд орон сууцны санхүүжилтийн корпорациас гаргасан “Орон сууцны захиалга авах журам”-ын дагуу хүсэлт гаргаж, сонгон шалгаруулалтаар шалгарсан “Капитал” банкаар дамжуулан орон сууцны урт хугацаатай зээлд хамрагдана.
Зээл авах иргэн өрхийнхөө орлогыг бодитойгоор тодорхойлох нь чухал. Хөтөлбөрийн хүрээнд орон сууцны урт хугацаатай зээлд хамрагдах хүсэлтэй төрийн албан хаагчид болон орлогыг нь тодорхойлох боломжтой иргэдийн хувьд тогтвортой ажлын байр, баталгаатай санхүүгийн эх үүсвэртэй, банкны найдвартай харилцаатай байх ба үүнийг тодорхойлсон удирдах болон харилцагч байгууллага, банкны тодорхойлолт чухал юм.