Ундны усны лабораторийн микробиологич Д.Оюунсүрэнтэй ярилцлаа.

 

Энэ лабораторид 10 жил ажиллаж байна. Үндсэн эх үүсвэр болон, гэр хорооллын усан сангийн усыг шинжилдэг. Өдөрт 15-17 дээжид бактериологийн таван төрлийн шинжилгээ хийдэг. Улаан­баатарчуудын ууж байгаа ундны уснаас нянгийн бохирдол гарч байгаагүй. Цэвэр ус хэрэглэж байгаа гэдэгтээ итгэлтэй байж болно. Яагаад гэвэл бид нийслэлчүүдэд газрын гүнээс татсан цэвэр усан дээр халдваргүйжүүлэх бодис нэмэн, лабораторийн шинжилгээгээр цэвэр гэдгийг нь батлаад түгээж байгаа учраас би ийм итгэлтэй хэлж чаддаг.

 

Микробиологийн шинжилгээ усанд нянгийн бохирдол байна уу гэдгийг үздэг. Газрын хөрс эвдэрсэн, бохирдсон, үер усны аюул болсон зэрэг үед ус нянгаар бохирдож болно. Тэгвэл бид ундны усаа нийслэлээс 60 гаруй километрийн алс хөрс нь эвдрээгүй, бохирдоогүй цэгээс, олон арван метрийн гүнээс татдаг. Гэхдээ газарзүйн энэ онцлог нь ус цэвэр, ариун байхын нэг нөхцөл юм. Иймд бид давхар халдваргүйжүүлэх ажиллагаа явуулдаг. ДЭМБ-аас ундны усыг халдавргүйжүүлэн хлоржуулахад нэг литр усанд 0.2-0.3 мг хлор нэмэхийг зөвшөөрсөн байдаг. Бид зуны улиралд хлорыг 0,3 мг/л хүргээд, өвөл доод хэмжээ 0-2 мг/л болгодог. Хлорыг цаг тутам таван эх үүсвэр дээр нь хянадаг. Гэр хороололд хүргэж байгаа усны ихэнх нь ус дамжуулах хоолойгоор дамжин очиж байгаа учир цэврээрээ хэрэглэгчдэд хүрдэг. Харин хэрэглэгчид усны саваа тогтмол цэвэрлэж, ундандаа олон хоног хадгалсан усыг хэрэглэхгүй байж хэвших хэрэгтэй.

 

 

Хөдөлмөр