Өнөөдөр 17 цагийн орчимд нийслэлийн Баянзүрх дүүргийн 26-р хорооны нутаг дэвсгэрт байрлах "Алтай констракшн" ХХК-ийн Саруул хорооллын шинэ баригдаж буй барилгын кран унаж хугарахдаа Prius 30 маркийн автомашины дээрээс унасан осол гарлаа. Ослын үед краны оператор нь дотор байсан эмнэлэгт хүргэгдсэн гэж оршин суугчид хэлсэн юм. Хугарсан кранд азаар хүн дарагдаагүй аж.



   Орон сууцны хотхонууд шигүү байрладаг, хотын хөл хөдөлгөөн ихтэй бүст оршдог тус хорооллын барилгын ажлыг гүйцэтгэж буй компанийн албан тушаалтан, инженерүүдтэй одоогоор холбоо тогтоож, тодорхой мэдээлэл авч чадсангүй. Нийслэлийн мэргэжлийн хяналтын газраас мөн мэдээлэл өгөх боломжгүй гэлээ. Юутай ч холбогдох байгууллагууд нь шалгаж, компанийн зүгээс ч тайлбар мэдээлэл өгнө гэдэгт найдаж байна.