Дутуу орхисон барилга,дуусгаагүй карказ нийслэлийн хаа сайгүй ёозгүй ёордойж их барилгын ажил зогссон өдрүүдтэй нэгэн зуныг үдлээ. Хүйтний эрч наашлахтай зэрэгцэн барилгын ажил бас ч гэж сэргэж байна. Дөрвөн уулыг эмжээлсэн гэр хорооллын 140 гаруй мянган өрхийг орон сууцжуулах их ажлыг гүйцэтгэхэд дотоодын хэдэн барилгын компаниуд хүчин зүтгэж буй. Иргэдийн орлого бага, барилга барих өртөг өндөр байхад орон сууцанд орно гэдэг мөрөөдөл хэвээр байна. Гай газар дороос гэдэг зүйр үг ишлэл болж алсын АНУаас эхэлсэн санхүүгийн хямрал манай барилгын салбарынхныг ч дайрсан. Өнгөрсөн наймдугаар сарын мэдээгээр энэ онд нийт 2214 орон сууц ашиглалтад оржээ. 3750 айл орон сууцанд орохоор захиалгаа өгсөн байна. Барилгын компаниудын хувьд энэ оныг час жил гэж нэрлэж болохоор. Бэлэн болсон байрыг нь худалдан авах эзэнгүй, захиалгаа өгсөн хүмүүсийн орон сууцыг хугацаанд нь ашиглалтад өгөх боломжгүй болсон дотоодын барилгын компаниудад дэмжлэг хэрэгтэй болж төр засгаас дамнуурга хүссэн захидлаар зуны хэдэн сарыг үдсэн юм. Үүний хажуугаар ашиглалтад өгчихсөн, оршин суугчид нь ороход бэлэн 3885 орон сууц байна. Амны билгээс ашдын билэг гэж сайхан үг бий. Улаанбаатар барилгажиж утаагүй болох цаг удахгүй гэдэгт итгэж, барилгын хэдэн компаниудаа дэмжвэл хөгжил ойрхон гэдэгт найдна. Tөр засаг ч өнгөрсөн хугацаанд зүгээр суугаагүй. Тэд 60 тэрбум төгрөгийн бонд гаргаж ахмад дайчдад орон сууц олгохоор болсон. Дараагийн бодит арга хэмжээ нь төрийн албан хаагчид болон иргэдэд урт хугацааны зээлээр олгох 4000 орон сууцыг 200 тэрбум төгрөгийн бонд гарган худалдан авах шийдвэрийг гаргах гэж буй явдал юм. Засгийн газрын хуралдаанаар энэ асуудпыг эцэслэн шийдвэл барилгын салбарыг шат өгсүүлсэн бодит, чухал шийдвэр болох юм. Улс орны хөгжил их барилгын сэргэлттэй салшгүй холбоотой билээ.

 

 

Үнэ чанар хоёрын өрсөлдөөн барилгын салбарт буруугаар эргэх нь олон. Үнэ ихтэй ч чанаргуй барилга зөндөө. Орон сууцны нэг ам.мөтр квадратын үнэ 900-1200 ам.доллар байна гэдэг энгийн орлоготой иргэдэд чанга үнэ. Үнэ үүнээс бага байх боломжтой тухай тооцоог цөөн биш эдийн засагчид гаргасан нь бий. Орон сууцны үнийг хөөрөгдөж, иргэдийн халаасыг нимгэлэхэд гадаадын хөрөнгө оруулалттай компаниуд голлох үүрэг гүйцэтгэдэг. Харийн хөрөнгө оруулалттай компаниуд өөрсдийнхөө бэлэн болсон бүтээгдэхүүнд монголчуудад зориулсан үнэ хэлнэ гэж байдаггүй. Түүгээр ч зогсохгүй тэдэнд хулхидуулдаг юм. Гадаадын барилгын компаниуд, хятад ажилчдын барьсан орон сууцыг өндөр үнээр худалдан авахаас өөр сонголтгүй байсан цаг саяхан юм. Гадаадынхан орон сууцны үнийг хөөрөгдөж дураараа дургиж байсан үйл явцыг эдийн засгийн хямрал зөв гольдрилдоо орох боломжийг нээлээ. Барилгын материалын үндэсний үйлдвэрлэлийг дэмжиж, амжилттай ажиллаж буй цөөн хэдэн барилгын компаниудаа дэмжих нь зөв урсгалдаа орох чиглэл юм. Үүнд хэчнээн хүнийг ажлын байраар хангадаг, гадаад орны барилгачид хэдүүлээ ажилладаг, барилгын матөриалаа хаанаас авдаг зэргийг шалгуур болгох ёстой юм. Өдгөө зөвхөн эх орон нэгтнүүдтэйгээ ажилладаг барилгын компанийг "Эко констракшн", "Жигүүр гранд", "Авзага трөйд" зэрэг компаниуд жишээлж байна. "Эко" 800, "Жигүүр гранд" 700, "Авзага трейд" 300 гаруй ажилчидтай. Эдгээр компаниуд ажилчдынхаа олонхийг нь компани дээрээ сургаж ажлын байраар хангадаг нь нийгмийн хариуцлагатай бизнесийн бас нэгэн жишээ юм. Засгийн газраас зарласан 40 мянган орон сууц хөтөлбөрийг хэрэгжүүлэхэд дотоодын компанийн үүрэг оролцоо голлосныг үгүйсгээд хэрэггүй. Одоо орон сууцны зах зээлд үүссэн үнийн хөөсийг үлээх боломж гарсан гэдгийг дээр дурьдсан. Иргэдийн санхүүгийн боломж бага байхад аль болох бага унээр урт хугацааны зээлд хамрагдах боломжийг борлуупалт нь буурсан үөд дотоодын барилгын компаниудад олгох ёстой. Ийм дэмнүүргийг Засгийн газраас гаргавал барилгачид хэрэгжүүлэх боломжтой юм.

 

Хятад барилгачдын халтуурдаж хийсэн орон сууцыг манайхан гадаад эзэнтэй барилгын компанийн захирлын дураараа тогтоосон үнээр авч хохирогч болдог үзэгдэл өнөөг хүртэл тасрахгүй байгаа. Зах зээлийн нийгмийн шударга өрсөлдөөнд нийцсэн хямд үнэтэй, чамин биш ч чанартай барилгыг манай мянга мянган дундаж орлоготой айл өрх хүсч, барилгын компаниуд ийм л орон сууц барихыг Засгийн газар дэмжих ёстой юм. Нэг ам.метр талбай нь 1000 ам.доллараас дээш үнэтэй. Хаа холоос авчирсан хачин брэнд гэх барилгын материалтай чамин ганган орд харшид амьдрах нь энэ үеийн залуусын мөрөөдөл ч биш юм. Үлгэрт гардаг бэрдийн араншинтай гадаадын барилгын компаниудад төлөх мянга мянган "ногоонгүй" нийслэлийн оршин суугчид Монгол жишгийн үнэ төлж, эгэл даруу амьдрах сууцыг л илүү маяг хачиргүйгээо хүсч байгаа билээ.

 

Зууны мэдээ