Хэв маяг болон орон зай
Хүрхрээ   дээрх   энэ байшин гэр бүлээрээ амралтыг өнгөрүүлэх таатай орчин болсон. Бага Э.Кауфманыхаар бол "Энэ байшин дахь амьдрал ямар нэгэн   огт   өөр   түвшний амьдрал юм".
Вальтер Гропиус, Алберт Эйнштейн, Марсел Брейер, Маголи Наги, Алвар Аалто, Филипп Жонсон гэх мэт олон алдартан энэ байшинд зочилж байв. Райт өөрөө ч энд үргэлж ирдэг байв. Цэвэр агаар, ойгоор зугаалах, хүрхрээн дор усанд шумбах, хүрхрээн тайвшруулах дуу... Энэ бүгд, уг байшин руу тэмүүлэх тэмүүллийг улам нэмдэг байна.
Дэлхийн II дайны үед тус байшин арчилгаа тордлогоо байхгүйгээс болж нилээн мууджээ. Энэ үед, Кауфманыхан эрүүл мэндийн шалтгаанаар, Холливудын одод болон саятангуудад зориулж байшин барьдаг Ричард Нейтрийн босгосон, Калифорни дахь байшиндаа ихэнх он цагийг өнгөрөөж байв. Кауфман тэр үөд нүүх болсноо, их мастераас урваж байгаа юм шигээр үзэж байжээ.
Энэ байшин, Кауфман өөрийн нэрийг тавихаас дургүйлхэсний улмаас хэвлэл мэдээлэлд зүгээр л "Аризоны цөл дэх байшин" гэсэн нэрээр гарч байлаа. 1956 онд Кауфман эхнэрээ өөд болсны дараа, удалгүй өөрөө ч нас барав. Эхнэр нөхөр хоёр өөд болсны дараа хүрхрээ дээрх байшин нь хар салхинд ихээр нэрвэгдсэн байна. Горхины усны түвшин хэдэн метрээр нэмэгдэн эхний давхар усанд автжээ. Их хэмжээний мод, зүлэг сүйдэж, үгүй болжээ.

Хүрхрээ дээрх амьдрал
Гэвч байшингийн хийц энэ сорилтыг давж гарсан юм. 1963 онд бага Кауфманы санаачлагаар, Лилиан болон Эдгар Кауфманы нэрэмжит энэ байшинг хадгалах, сэргээх сан байгуулагдав. 1979 онд үзэгч жуулчдын тоо нэмэгдсэнтэй холбогдуулан, байшингийн хажууд жуулчдад зориулсан төв байгуулжээ. Одоогоор тус байшин маш сайхан байдалтай байгаа бөгөөд Фрэнк Ллойд Райтын өвийг хадгалах Үндэсний программд орж, жилээс жилд нэр хүнд нь өсч байгаа юм