Эдийн засаг, улс нийгмийн хөгжилд нэн чухал түлхэц үзүүлдэг гадаадын хөрөнгө оруулагчдыг татах, тэднийг сонсох уулзалт ГХЯ-нд боллоо. Уулзалтын гол зорилго манай улсын хөрөнгө оруулалтын орчныг сайжруулах, гадаадын хөрөнгө оруулалтын чанар, үр өгөөжийг нэмэгдүүлэхэд чиглэж байгаа юм. Гадаадын хөрөнгө оруулагчдын илтгэлдээ дурьдаж байгаа гол асуудлууд яам агентлагийн уялдаа холбоог сайжруулах, орон нутгийн байгууллагын мэдээлэл дутмаг байдал зэргийг арилгах гэдгийг нэрлэж байлаа. Анх удаагаа Монгол Улс гадны хөрөнгө оруулагчдыг сонсож тэдний санал шүүмжлэлээс сонсож байгаа хурлаас гурван зүйлийг олж харснаа Гадаад харилцааны сайд нэрлэлээ.

 

200 гаруй хөрөнгө оруулагч 2 өдрийн турш чуулсан уулзалтаар жинхэнэ үйлдвэрлэл эрхэлж байгаа хүмүүсийг дэмжих бодлого алдагдаж байгааг дурьдсан. Нөгөө талаар хөрөнгө оруулах сонирхолтой байгууллага байлаа ч төрийн байгууллагын зүгээс хүнд суртал нь дарамт болж ирдэгийг хэлж байсан. Орон нутгийн байгууллагууд гадны хөрөнгө оруулагчдаас их зүйл шаардаж өгөхгүй гэхээр зөвшөөрдөггүй гээд ажилд нь чөдөр тушаа болдог олон алхам гардагийг нуулгүй хэллээ.

 

Уул уурхай тэр дундаа зэсийн үнийн асуудалд Монголчууд хайнга ханддаг гэж гадны хөрөнгө оруулагчид шүүмжилж байлаа. Тухайлбал Хятадын зэсийн үнийг өөрийн үнэ мэтээр хөрөнгө оруулагчдад тулгадаг зэрэг нь буруу гэдгийг тайлбарлаж байсан. Үүнээс болж хөрөнгө оруулагчид Хятадын нэмүү өртөгийн татвар тооцож бодсон үнээр зэс авах тохиолдол хэд хэдэн удаа гарч байсныг дэлгэлээ. Тиймээс хөрөнгө оруулагчдад уян хатан бодлго баримтлах хэрэгтэй гэдэг нь харагдлаа гэж мэргэжилтнүүд дүгнэлээ.

 

Манай улсад ашигтай, харилцан биесээ мэдэлцэх, нөгөө талаар хөрөнгө оруулалтын үр нөлөөг сайжруулах боломжийг харуулсан чухал үр нөлөөтэй хурал болсныг мэргэжилтнүүд дүгнэж байлаа. Цаашдаа энэ төрлийн хурал зөвлөгөөнийг нэг удаадаа биш байнгын ажил хэрэг болгох нь чухал юм гэдгийг ч салбарын сайд онцоллоо.