БНХАУ-ын Засгийн газрын зээлийн хөрөнгөнөөс 2152 айлын орон сууц барихаар боллоо
Barilga
2019-11-05
Улсын Их Хурлын “Зээлийн ерөнхий хэлэлцээрт нэмэлт, өөрчлөлт орсонтой холбогдуулан авах арга хэмжээний тухай” 2008 оны 12 сарын 4-ний өдрийн 41 дүгээр тогтоолыг үндэс болгон Бүгд Найрамдах Хятад Ард Улсын Засгийн газрын 300.0 сая ам.долларын экспортын хөнгөлөлттэй зээлээс барилгын материалын үйлдвэрлэлд зарцуулахаар төлөвлөж байсан 60.0 сая ам.долларыг “Улаанбаатар хотын гэр хорооллыг орон сууцны хороолол болгон хөгжүүлэх хөтөлбөр”-ийн хүрээнд 2152 айлын орон сууц, олон нийтийн барилга байгууламж, сургалт, үйлдвэрлэлийн төвийг барих ажлыг санхүүжүүлэхээр Монгол улсын Засгийн газраас тогтжээ.
Энэхүү зээлийн хөрөнгөөр орон сууцны XVI-р хорооллыг 8.08 га газар нутаг дэвсгэрт, орон сууцны VII хорооллыг 3.6 га газарт барихаар болж, холбогдох арга хэмжээ авч ажиллахыг Зам, тээвэр, барилга, хот байгуулатын сайд Х.Баттулга, Нийслэлийн засаг дарга бөгөөд Улаанбаатар хотын захирагч Г.Мөнхбаяр нарт үүрэг болгосон байна.
Барилга.мн