Абенгоа компанийн Испанийн ПС10 нарны цахилгаан станц. Ийм төрлийн цахилгаан станцыг Сахарын цөлд байгуулахаар төлөвлөж байна.

 

Өнөө үед сэргээгдэх эрчим хүчний эх үүсвэр дээр тулгуурласан цахилгаан станцын төслүүд дэлхий даяар хэрэгжих болсон. Тухайлбал, саяхан Ватиканд анхны нарын цахилгаан станц ашиглалтанд орсон билээ. Гэгээн Павел VI ордны дээвэр дээр нийтдээ 5000 м2 талбай бүхий нарны эрчим хүчний хураагуур хавтангуудыг байрлуулсан байна. Тэгвэл Сахарын цөлд нарны ийм цахилгаан станц баригдах нь нэгэнт тодорхой болжээ.

 

Европын компаниуд “Нарны хотхон” нэртэй дэлхийд хамгийн томд тооцогдох 400 тэрбум еврогийн өртөг бүхий нарны цахилгаан станцын иж бүрдэл системийг ойрын жилүүдэд Сахарын цөлд барихаар төлөвлөөд байна. “Desert” нэртэй энэхүү төслийн хүрээнд нарны гэрлийг тусгай цамхаг руу тусгах зориулалт бүхий ойлгох тольнуудын бүтэн цогцолборыг суурилуулах юм байна. Эдгээр цамхаг дотор ус уур болон хувирч турбиныг эргэлдүүлэх аж. Саяхан ийм төрлийн томоохон цахилгаан станц Испани улсад баригдсан аж.

 

Үйлдвэрлэсэн цахилгаан эрчим хүчээ өндөр хүчдэлийн шугамаар дамжуулан Европ руу нийлүүлэхээр төлөвлөж байгаа энэ хөтөлбөр нь Европын нийт эрчим хүчний хангамжийн 15-с дээш хувийг нарны эрчим хүчнээс авах бололцоотой болгох юм байна.

 

Уг төсөлд Германы 20 гаруй томоохон компани оролцож байна. Тухайлбал, Siemens, Munich Re нар багтжээ. Мөн өөр түншүүд ч орохоор ярилцаж буй гэнэ.