Маршалын гүүрийг сэргээн засварлахаар болсон. Гэвч тендерийн сонгон шалгаруулалт оройтож, санхүүжилт хийгдэлгүй удсанаас гүүрийн барилгын ажил удааширч наймдугаар сарын 1-нээс эхэлсэн билээ. Уг ажлыг "Хотын зам" компани гүйцэтгэж байгаа бөгөөд ирэх жил наадмаас өмнө ашиглалтад оруулахаар төлөвлөсөн гэнэ. Гүүрийн засварт улсаас 3.9 тэрбум төгрөг төсөвлөжээ. Одоогийн байдлаар нийт санхүүжилтийнхээ 30 хувийг авч гүүр нураах ажилд зарцуулсан байна. Гүйцэтгэгч компанийн төлөвлөснөөр энэ өвөлдөө багтааж суурийг нь засч дуусгана гэнэ.
Их тэнгэр цогцолбор руу дулааны шугам хоолой тавьж байгаа. Энэ нь нурсан гүүрний баганатай зарим хэсгээрээ бэхлэн холбогдож байгаа учир засварын ажилд нэлээд саад болж ээ.
Нийслэл хотын төвийг Их тэнгэрийн амтай холбосон уг гүүр нь анх 1990 онд ашиглалтад орсон. 258 метр урт, 13 метр өргөнтэй гүүрийн их бие шулуун байжээ. Гүүрийн төмөр бетон нуруунд ан цав гарч, ашиглах боломжгүй гэсэн мэргэжлийн коммисын дүгнэлтээр 2002 онд буулгаж эхэлсэн байна. Засвар хийгдэж байгаа дээрх гүүр нь өмнөх объекттэй хэмжээгээрээ ижил, харин загвар нь бага зэрэг өөрчлөгдөж, нуман хэлбэртэй болж байгаа гэнэ.