Барилга МН

Хууль зүй, дотоод хэргийн сайд Ц.Нямдорж Цагдаагийн ерөнхий газрын “Хүч” спорт хорооны тамирчин О.Бурмаг хүлээн авч уулзан баяр хүргэлээ. Түүнийг Хууль зүй, дотоод хэргийн яамны төрийн нарийн бичгийн дарга Г.Баясгалан, ЦЕГ-ын дарга, хошууч генерал Д.Сандаг-Очир, “Хүч” спорт хорооны дарга, дэд хурандаа Д.Батмөнх, Даян аварга А.Сүхбат болон албаныхан уулзсан юм.

 

Дани улсын Хернинг хотноо болсон энэ оны Чөлөөт бөхийн дэлхийн аварга шалгаруулах тэмцээнээс мөнгөн медаль хүртсэн амжилтыг нь үнэлэн алд цэнхэр хадаг мөнгөн аяга, хоёр өрөө байрны батламжийг гардууллаа. Ц.Нямдорж сайд тамирчинд хандан өрсөлдөгчийн сүрнээс эмээх биш сэтгэл зүйн өндөр бэлтгэлтэй байж аварга болохын төлөө улам бүр хичээхийг захив.