Үндэсний хөгжил, шинэтгэлийн хорооноос 2010-2015 оны томоохон бүтээн байгуулалтын төслийг бүс бүсээр тодорхойлон гаргажээ. Үүнд гэр хорооллыг барилгажуулах, төмөр бетон гүүр, хурдны болон шинээр хатуу хучилттай автозам барих зэрэг төлөвлөсөн зүйл олон. Үйлдвэрүүдийг өргөтгөж, түүнийг түшиглэн шинээр хот суурин бий болгох юм байна. Хэрэгжээд эхэлсэн бүтээн байгуулалтч байгаа. Энэ талаар тус хорооны салбарын хөгжлийн хэлтсийн мэргэжилтэн Б.Нэргүйгээс тодрууллаа.

 

 

-Эдгээр бүтээн байгуулалтыг гүйцэтгэхэд барилгын салбарт түүхий эдийн асуудал хүндрэлтэй байгаа. Барилгын салбар одоохондоо санхүү хөрөнгийн асуудалд орчихсон, хямралаас гарахад нь дэмжлэг үзүүлэх зорилгоор Засгийн газраас арга хэмжээ авч, хэрэгжүүлж байна. Манай хорооны зүгээс дэд бүтцийг хөгжүүлэх төслүүдэд гадаад, дотоодын болон хувийн хэвшлийн хөрөнгө оруулалт, хамтын ажиллагааг татах ажлыг хэрэгжүүлэхээр төлөвлөсөн.Барилгын салбарт ажиллах хүчний зардал бага боловч түүхий эдийн үнэ өндөр учраас ,орон сууцны үнэ өсчихдөг. Тиймээс хамгийн сүүлийн үеийн өндөр технологиор барилгын материал үйлдвэрлэх, үүнд үндэсний үйлдвэрүүдтэйгээ хэрхэн хамтран ажиллах нь чухал. Монгол орон ашигт малтмалаар баялаг, ялангуяа барилгын материалын түүхий эд болох эрдэс чулуулаг, шохойн чулуу элбэг. Үүнийгээ түшиглэн хөгжих хэрэгтэй. Шинээр орд газруудыг ашиглалтад оруулахаас гадна нэгэнт баригдаж, хөрөнгө оруулалтаа хийчихсэн томоохон үйлдвэрүүдээ өргөтгөх нь зардал багатай гэж тооцоолж байна. Тэгэхээр эхний ээлжинд байгаа үйлдвэрээ өргөтгөнө.

 

 

-Орон сууцны үнэ хямдрах боломжтой. Улсын мэдэлд байгаа цементийн үйлдвэр болох "Хөтөлийн цемент шохойн үйлдвэр" ХК-д өнөөдөр нэг тонн цементийг 70-90 мянган төгрөгөөр үйлдвэрлэж байгаа. Хэрэглэгчдэд очихдоо үнэ нь өсчихдөг. Энэ нь барилгын үнэд нөлөөлж, худалдан авахад хүндрэл үүсгэдэг.Харин одоо хуурай технологи гэдэг сүүлийн үед дэлхий даяар ашиглах болсон аргад шилжих төсөл боловсруулж байна. Төсөл амжилттай хэрэгжвэл нэг тонн цементийг 40-50 мянган төгрөгөөр үйлдвэрлэх боломжтой болох юм. Ингэснээр орон сууцны үнэ буурах суурь тавигдана.

 

 

-Төсөл хэрэгжүүлэх бэлтгэл ажил ерөнхийдөө хангагдсан. Өргөжүүлэх үйлдвэр, ашиглах түүхий эд шохойн чулууны нөөц байна. Төслийг хэрэгжүүлэхэд айхтар хүндрэлтэй зүйл гарахгүй байх.

 

 

-"Хөтөл"-ийн үйлдвэрийнхэн хөрөнгө оруулах тапдаа төслөө танилцуулж, нөгөө тал тус үйлдвэрт судалгаагаа хийж байгаа. Шинээр үйлдвэр байгуулж, хот суурин үүсгэхгүй, дэд бүтэц нь хөгжсөн, нэмэлт хөрөнгө оруулалт шаардахгүй зэрэг төсөл хэрэгжих таатай орчин ч бүрдсэн.Түүнчлэн "Монголын алт" компанийн Хөх цавын цементийн үйлдвэр ашиглалтад орсноор дотоодын хэрэгцээгээ бүрэн хангаж, цемент гадаадад экспортлох ч боломжтой болно.

 

 

-Орон сууцны үнийг бууруулах олон арга, төсөл байгаа. Эдгээрээс хамгийн амархан хэрэгжих, хугацаа бага зарахнь энэ төсөл.

 

 

-2010 оноос хэрэгжүүлж эхлэх боломжтой. Ингэвэл 2011 оноос шинэ технологоор үйлдвэрлэсэн хямд түүхий эдээр барилга барьж эхэлнэ.

 

-Төмөр хийцийг Дарханы төмөрлөгийн үйлдвэрийг өргөтгөх замаар шийднэ. Мөн “Ган хийц" үйлдвэрт ч бэлдэнэ. Ингэснээр барилгын үнэ хоёр дахин буурах боломж бүрдэнэ.

 

 

"Зууны шуудан"