Монголын Барилгын Инженерүүдийн Холбоо нь үүсэн байгуулагдсаны 20 жилийн ойн баярынхаа хүрээнд инженерүүддээ зориулан анхны гарын авлагаа худалдаанд гаргаад байна. 35,000 төгрөгөөр худалдаалагдах Барилгын бүтээцийн тооцооны ЛИРА программд зориулсан тус гарын авлагыг зөвхөн энэ оныг дуустал 25,000 төгрөг болгон хямдруулжээ.

   ЛИРА нь Монгол Улсын норм, стандартын шаардлагад нийцсэн, албан ёсны зөвшөөрөлтэй, хамгийн өргөн хэрэглэгдэж буй программ юм. Тус программыг ажиллагааны зарчим, аргачлал, онолын түвшний хувьд олон улсад түгээмэл ашиглагдаж буй ижил төрлийн бусад программуудтай улам бүр дүйцүүлэн хөгжүүлсээр байна. Түүнчлэн энэ программыг олон орны хэл дээр ашиглаж болох учраас олон улсад ашиглагддаг бусад программуудыг өргөнөөр ашиглах боломжийг олгож буйгаараа онцлогтой.

   Барилга байгууламжийн бүтээцийн аюулгүй байдал чухлаар тавигдаж буй өнөө үед Монгол Барилгын Инженерүүдийн Холбоо өөрийн оронд амжилттай нэвтрүүлэх, инженерүүдийг энэ программыг ашиглаж сургах, туршлагажуулахад чиглэсэн шат дараатай олон арга хэмжээг санаачлан хийж байгаагийн нэг нь сургалт, семинар юм.

  Энэхүү гарын авлагыг ЛИРА программын сургалтад зориулсан учир барилгын бүтээцийн тооцоо хийж сурах хүсэлтэй хэн бүхэн ашиглах боломжтой. Тус программын онолын үндэслэл, боломжууд, ажиллагааны зарчим, олон төрлийн бүтээц тооцсон жишээ бүхий сургалтын материалуудыг нэг дор бэлтгэнэ гэдэг хүндрэлтэй, цаг хугацаа алддаг, төвөгтэй байдгаас энэ мэтчилэн гарын авлагуудыг МБИХ-ноос үргэлжлүүлэн тогтмол гаргаж байхаар төлөвлөжээ.

   Дашрамд дурдахад, энэхүү гарын авлагыг боловсруулан гаргахад гар бие оролцож, дэмжлэг үзүүлсэн хувь хүмүүс, албан байгууллагууд болон МБИХ-той байнгын хамтын ажиллагаатай байдаг ЛИРА программын албан ёсны төлөөлөгч “Бьюлдингс Текноложи” компанид талархал илэрхийлснийг уламжилж байна.

Хаяг: МБИХ-ны байр 
Төлбөрийн данс: Голомт банк-1801065628
Хүлээн авагч: МБИХолбоо