Байгуулагдсанаасаа хойш “Эко констракшн” хичнээн айлыг орон сууцаар хангасан ба 2007 онд хичнээн айлыг орон сууцаар хангах төлөвлөгөө гаргаад ажиллаж байна?

Манай компани 2002 онд байгуулагдаж, өнөөг хүртэл Монгол улсын барилга угсралт, үйлдвэрлэл үйлчилгээний салбарт тэргүүний байгууллагын нэг болж, улс эх орны хөгжилд тодорхой хувь нэмрээ оруулсан бөгөөд 10 гаруй орон сууцны цогцолбор хотхоны барилгыг чанарын өндөр түвшинд барьж, 2007 онд “Нарлаг” цогцолбор хотхон, “Тэмүүлэл” цогцолбор хотхон, “Баянзүрх” цогцолбор хотхон гээд  нийт 1200 зуун айл өрхийг орон сууцаар хангах төлөвлөгөөтэй ажиллаж байна.

“Эко констракшн” ХХК-ны байрнууд ямар үнэ ханштай байгаа вэ?
 Нэг өрөө байр нь 12800$, хоёр өрөө байр нь 14800$, 15800$, 16800$, гурван өрөө байр нь 19800$, 20800$, 21800$ гэх мэт м²-аасаа хамаараад ялгаатай байна. Улаанбаатар хотод баригдаж, зарагдаж байгаа барилгуудаас хамаагүй хямдавтар, найдвартай гэсэн үүднээс манай захиалагч нар өдрөөс өдөрт нэмэгдэж байгаа. Мөн байрыг үнэ төлбөр төлөх нөхцөлөөс хамаарч  худалдан авагч үйлчлүүлдэг.  Сүүлийн үед бүр их хөл хөдөлгөөнтэй байгаа.

Танай байрнаас авч байгаа хүмүүс мөнгөө ямар хэлбэрээр төлж барагдуулах вэ?
Манайх бол залуу гэр бүлд зориулсан “Залуус” хотхоныхоо төлбөрийг үндсэн дүнгийнхээ эхлээд хорин хувийг өгчихөөд байраа захиална. Дараа нь барилгын ажлын явцад 30%, 30%, 10%, 10% гээд захиалагч нар барилгын ажлын явцыг хянаад төлбөрөө өгдөг юм.  Ямар үр ашигтай вэ? гэвэл хүмүүс барилгын компаниуд найдваргүй боллоо мөнгө төгрөгөө алдлаа гэсэн ойлголтгүй болно. Мөнгөө өгсөн хүмүүс маань барилгаа яаж баригдаж байгааг хянах боломжтой болохоор хүмүүс ихээр ирж үйлчлүүлдэг. Манай барилга сууриа цутгаад захиалгаа авч эхэлдэг учир байр ашиглалтанд ороход бүгд эзэнтэй болцон байдаг.

 Барилгын салбар хөгжиж байгаагийн давуу тал нь юу вэ?
Давуу тал нь гэвэл ихэнх хүмүүс маань орон сууцтай өөрийн гэсэн дулаан байртай болж байна. Гэр хороолол түлээ нүүрс гэж санаа зовохгүй амьдрах болно.

Барилгын компаниуд хэр зэрэг чанартай барилга барьдаг бол?
Барилгыг жил ирэх тусам улам сайн чанаржиж байгаа.   Мөн барилгын коллеж, инжнер, сургалтууд мэдлэг чадвартай боловсон хүчнээр хангаж байгаад баяртай байна. Монголчууд сүүлийн үед барилгыг илүү чанартай барьдаг болсон.

Танай компани 40 мянган айлын орон сууц хөтөлбөрт оролцож байгаа юу?  Хэр дэмжиж байна?
40 мянган айлын орон сууц хөтөлбөрт одоогийн байдлаар арван компани хамрагдаад байгаа. Түүний нэг нь манайх. 40 мянган айлын орон сууц хөтөлбөрийг хэрэгжүүлэхдээ бид баяртай байх болно.

Их олон зүйлийг засгийн газар хэрэгжүүлж эхэлсэн байгаа. Таны бодлоор Улаанбаатар хот маань гэр хорооллоосоо ойролцоогоор хэдэн онд салах бол?
Засгийн газраас хэрэгжүүлж байгаа үйл ажиллагааг дэмжиж байна. Миний бодлоор 2015 он гэхэд УБ хотын хүн амын 90% нь орон сууцанд амьдрах боломжтой гэж бодож байна.

Мансардан орон сууц хөтөлбөр хэрэгжих боломжтой юу?
Боломжтой байлгүй яахав. Цаг хугацааны хувьд ч гэсэн маш хурдан. Зүгээр байр худалдаж авсанаас үнэ нь хамаагүй хямдхан, боломжийн л гэж үзэж байна.