Европын эрдэмтэд Европын холбоог /ЕХ/ цахилгаан эрчим хүчээр жилийн туршид хангах зорилгоор Сахарын цөлд асар том нарны цахилгаан станц барих төсөл боловсруулжээ. "Гардиан" сонинд бичсэнээр, 35.7 тэрбум фунтийн /71 тэрбум гаруй ам. доллар/ өртөг бүхий энэ станц нь тухайлбал Их Британи, Данийн салхины станц, Исланд, Италийн хөрсний халуун уур, усаар ажилладаг станцууд зэрэг сэргээгдэх эх сурвалжаас илүү их цахилгаан авах боломжийг ЕХ-нд өгөх ажээ.
Эрдэмтдийн хэлснээс үзвэл, энэ төсөл Нэгдсэн вант улсын Ерөнхий сайд Гордон Браун, ЕХ-г даргалж байгаа Францын Ерөнхийлөгч Николя Саркози нарын зүгээс улс төрийн дэмжлэг аваад байна.
Европын комиссын эрчим хүчний хүрээлэнгийнхний дурдсанаар, шинэ эрчим хүчний системд хол зайд дамжуулахад алдагдал бага байдаг байнгын гүйдлийн өндөр хүчдлийн шугам хэрэглэхээр төлөвлөж байгаа ажээ.