Манай оронд барилгын салбар сүүлийн жилүүдэд нилээд эрч хүчээ авч байгаа. Тэгвэл энэ салбарын хууль эрх зүйн орчин, технологийн шинэчлэлээс хоцорч төрөөс тодорхой зохицуулалт хийхгүй байгаагаас болж барилгын үнийг зохиомолоор хөөрөгдөх явдал эрс нэмэгдэж байна. Мөн барилгын салбар нь хөдөлмөр зохицуулалт ихтэй байдаг учираас барилгын ажлыг механикжуулах, автоматжуулах арга хэмжээ авсанаар ажлын бүтээмж дээшилж хөлсний зарцуулалт нэмэгдэнэ гэж хэвлэлийн бага хурлыг зохион байгуулагчид хэлж байлаа.

                Барилга барихад зайлшгүй ашиглагдах цемент, арматурын үнэ гэхэд л бүтэн жилийн хугацаанд гэхэд л 30-60%-иар өсчээ. Энэ мэтчилэн барилгын материал үнэ хөөрөгдөж өссөнөөр орон сууцны үнэ даган өөрчилөгдөж байна. Энэ бүгдийг хамруулсан семинарыг “Координат” төв 11-р сарын 8-ны өглөө 9-өөс оройны 17-н цаг хүртэл зохион явуулахаар болжээ. Семинарын зохион байгуулж буй “Координат” төвийн захирал хатагтай Түмэнжаргал ярихдаа: "Манай төвөөс зохион байгуулж буй энэхүү семинарын ач холбогдол нь барилгын салбарт бизнес эрхлэгчидийг дэмжих зорилгоор тэдэнд хамтран түншлэх, харилцан мэдээлэл солилцох, явуулж байгаа үйл ажиллагаа, үйлчилгээгээ суртачилахад чиглэгдсэн" гэж байлаа. Маргааш болох энэхүү семинарт барилын мэдээллийн “Координат” төв, ШУТИС-н барилгын инженерын сургуулийн профессор Ж. Гэрэлхүү, Б. Мөнхбаяр, Баярс констракшн, Номин стандарт зэрэг компаниас гадна барилгын тусгай зөвшөөрөлтэй зураг төсөл, барилга угсралтын компаниудын захирал, инженерүүд хөрөнгө оруулагчид бизнес эрхлэгчид, төр захиргааны байгуулгууд, төрийн бус байгуулгуудын төлөөлөгч нар оролцох юм байна.