НИТХ-ын Тэргvvлэгчдийн хурлаар долдугаар сарын 1-ний vйл явдалд өртсөн Соёлын төв өргөөний хохирлын хэмжээг Нийслэлийн өмчийн харилцааны газар, БСШУЯ, Соёл урлагийн байгууллагуудын төлөөлөл оролцсон ажлын хэсгийнхэн урьдчилсан байдлаар тогтоолоо. Хохирол нэг тэрбум 723 сая төгрөгт хvрчээ.

Гэхдээ энэхvv тоо нь зөвхөн техник хэрэгсэл, эд хогшлын vнэлгээний дvн юм. Учир нь, УМХГ-ын гаргасан дvгнэлтээр зарим шатсан тасалгааг засварлаад ашиглаж болно гэж байгаа ч далд буй цахилгаан утасны монтаж, инженерийн шугам сvлжээ нь хаана гэмтснийг одоогоор тодорхойлох боломжгvй байгаа аж. Хохирлын хэмжээг тогтоох ажлын хэсгийн vзлэгээр 224 цонх, 118 хаалга, 741,4 ам.метр шилэн хана хагарч, цуурсан байжээ. Тvvнчлэн өнөөг хvртэл эрчим хvч, дулаан байхгvйг тул 12 давхарын 80 гаруй өрөөг тvрээслэх орлого хаагдсаныг ч СТӨ-ний дарга Б.Байгалмаа дуулгаж байлаа. Нийтдээ 42 аж ахуй нэгжид тvрээслvvлэн, сар бvр 32 сая, жилдээ 389 сая төгрөгийн ашигтай ажилладаг байсан гэнэ. НИТХ-ын тэргvvлэгчид энэ хурлаар мөнгө олгохыг хvссэн албан бичгийг Сангийн яам, НЗДТГ хооронд шидэлцэлгvй, яаралтай шийдэж өгөхийг нийслэлийн Засаг даргад vvрэг болгохоор боллоо. Өөрөөр хэлбэл, хохирлын бодит хэмжээг бvрэн тогтоох, төсөвлөсөн мөнгийг гаргуулан засвар vйлчилгээг хийлгэх, нийслэлийн харьяа бvх байгууллагуудыг даатгалд хамруулах гэсэн гурван тогтоолыг НИТХ-ын тэргvvлэгчид гаргахаар болсон юм.

Ардчилал