Энэ удаагийн зөвлөгөөнд Сэлэнгэ аймгийн НААҮ-ний "Урсгал ус" ХХК, "Гавшгай ус" ХХК, "Цант-Орхон" ХХК, Дархан-Уул аймгийн "Дархан ус" ХК, Дорноговь аймгийн "Чандмань илч" ХХК, Говьсүмбэр аймгийн "Ус-Ду" ХХК, Төв аймгийн "Чандмань" ХХК, Хөвсгөл аймгийн Ус суваг, нийтийн аж ахуйн компани, Увс аймгийн "Чандмань-Увс" ХХК, Улаанбаатар хотын ОСНАА-н "Хаусинг сервис" ХХК-ийн захирал, ерөнхий инженерүүд оролцжээ.

Мөн Монголын Нийтийн аж ахуйн үйлчилгээний холбоо /ТББ/-ны тэргүүн Б.Жигжид, гүйцэтгэх захирал Р.Эрдэнэцэцэг , Хөвсгөл аймгийн ЗДТГ-ын хэлтсийн дарга А.Ганбаатар нар оролцсон байна.

Зөвлөгөөнөөр Монгол Улсын Засгийн газрын "Нийтийн аж ахуйн үйлчилгээний салбарыг хувьчлах, өөрчлөн байгуулах чиглэл батлах тухай" 2008 оны 182 дугаар тогтоолыг хэрэгжүүлэхэд Яам, ТӨХ болон салбарын байгууллагуудаас баримтлах бодлого, чиглэлийн талаар мэдээ, мэдээлэл, санал бодлоо солилцож ярилцав.

Энэхүү зөвлөгөөнд ТӨХ-ны байр суурь, бодлого, чиглэлийн талаар Б.Жигжид товч танилцуулга хийв.

БХБЯ-ны газрын дарга Засгийн газрын 182 дугаар тогтоолыг хэрэгжүүлэхтэй холбогдсон асуудлаар мэдээлэл хийж, яамнаас баримтлах зарим асуудлын талаар удирдамж чиглэл өгчээ.

Энэ зөвлөгөөний дүнд:

1. Энэ оны 10 дугаар сард болох Монголын НААҮ-ний ажилтан, ажилчдын өдөрлөгийн өмнө аймаг, нийслэлийн НААҮБ-уудын удирдлагууд дахин уулзаж зөвлөгөөн дээр яригдсан асуудлын талаар саналаа нэгтгэн эцэслэн тохиролцож холбогдох шийдэлд хүрэхээр тогтов. Уг асуудлаар яамнаас бүх аймгийн ИТХ-ын Тэргүүлэгчдийн дарга, Засаг дарга нарт холбогдох удирдамж, чиглэлийг албан ёсоор өгөхөөр болов.

2. Монголын Нийтийн аж ахуйн үйлчилгээний холбоо, БХБЯ хамтран НАА-н сапбарын үйл ажиллагаа, бодлого, чиглэл, хэтийн төлөвийн талаар болон салбарын менежмент, маркетингийг сайжруулахтай холбогдуулан сар бүр сэтгүүл, товхимол гаргаж байхаар тогтож, сэтгүүл/товхимол/-ийн редакцийн зөвлөлийн бүрэлдэхүүнийг хэлэлцэж батлав.

3. Засгийн газрын 182 дугаар тогтоолыг хэрэгжүүлэх зорилгоор ажлын хэсэг байгуулж, төлөвлөгөө боловсруулж батлуулан ажиллахаар шийдвэрлэв.