2.  1936 оноос хойш зохиогдсон олимпуудаас хойш АНУ болон ЗХУ-с өөр улс медалиараа тэргүүлсэн анхны тохиолдол ажээ.

3. Хятад Атлантад авсан нийт 50 медалиасаа илүү алтан медалийг Бээжинд авчээ

4. 'Project 119' гэсэн усанд сэлэлт, хөнгөн атлетик, завь, каяак, дарвуулт завины уралдаан зэрэг медалиар баялаг спортуудад алтан медаль авах санаачлагыг Хятадууд гаргажээ. Эдгээрт амжилт гаргана гэж Хятадууд ач холбогдол өгч байсан боловч эдгээр төрлүүдээс дөнгөж дөрвөн алт авсан байна. Харин дийлэнхи алтан медалиудаа усан шумбалт, гимнастик, ширээний теннис зэрэг хөгжлөөрөө тэргүүлдэг спортоор хүртсэн юм.

5. АНУ Афинынхтай адил 36 алтан медаль авсан бөгөөд өнгөрсөн хагас зуун жилийн туршид тогтвортой амжилт үзүүлсээр иржээ. АНУ-ын авсан медаль нь 1952 оноос хойш 40, 32, 34, 36, 45, 33, 34, 83, 36, 37, 44, 38, 36, 36 гэсэн байдалтай байна. /83 алтан медалийг социалист улсууд оролцоогүй 1984 оны Лос-Анжелесийн олимпоос авсан байна/

6. Нийт медалийн тоогоороо АНУ дөрвөн олимп дараалан тэргүүлж байна. Хятад 100, АНУ 110, ОХУ 72 медаль авчээ.

7. Хүн амын тоотой нь харьцуулбал Хятад 25 сая хүн тутамд, АНУ 8.5 сая хүн тутамд, Арлын Ямайка улс Бээжинд 6 алт авсанаар 450 мян хүн тутамд нэг алтан медаль ноогдож байгаа аж. Харин Хятад ийм хэмжээнд очихын тулд 2889 алт авах шаардлагатай гэнэ. Монгол улсын хувьд 1.3 сая хүн тутамд нэг алтан медаль ноогдож байгаа юм.

8. Грек 2004 онд олимп зохион байгуулахдаа 16 медаль авч байжээ. Дөрвөн жилийн дараа олимпийн өлгий нутгийн тамирчид маань дөнгөж 4-н медаль авсан бөгөөд 1992 оноос хойш тэдний хувьд хамгийн цөөн тооны медаль авсан олимп болж байгаа гэнэ.

9. Африк тивийн орнууд нийтдээ 40 медаль авсан бөгөөд тивийн хувьд түүхэндээ хамгийн олон медаль авсан нь энэ ажээ.

10. Афганистан, Бахрейн, Маврики/Мауритиус/, Судан, Тажикистан, Того зэрэг зургаан орон түүхэндээ анх удаа олимпийн медаль авчээ

11. Их Британи улс түүхэндээ анх удаа хамгийн олон буюу 47 медаль хүртсэн ба Афинынхтай харьцуулбал 17 медалиар илүү байгаа аж. 2012 онд эх орондоо 60 жилийн зохион байгуулах олимпийн наадамд бүр олон медаль хүртэх найдлага тавьж байгаа ч хамгийн сүүлд өөрийн газар нутаг дээрээ зохион байгуулж байсан олимпийн наадмаас 3-хан алт авч байсан түүхтэй.

12. Энэтхэг улсад дэлхийн хүн амын 17% амьдардаг ч Олимпийн медалийн 0.31%-ийг авчээ.

13. Хятадад дэлхийн хүн амын 19.8% амьдардаг. Медалийн 10.4%-ийг авсан.

14. АНУ-д дэлхийн хүн амын 4.6% амьдардаг. Нийт медалийн 11.5%-ийг хүртсэн.

15. Ямайка улсад дэлхийн хүн амын 0.041% амьдарч байна. Нийт медалийн 1.15%-ийг авсан.

16. Исланд улс олимпийн медаль хүртсэн хамгийн цөөн хүн амтай улс ажээ.

17. Олимпийн медаль авч чадаагүй хамгийн олон хүн амтай улсаар Пакистан тодорч байна. /164 сая хүн амтай, хүн амын тоогоороо дэлхийд 6-д ордог/

18. Майкл Фелпс алтан медалийн тоогоороо Франц, Нидерланд, Испани, Канад, Аргентин, Швейцарь, Бразил, Мексик зэргийн улсуудын өмнө 9-рт бичигдэж байна.

19. Фелпс эрэгтэйчүүдийн усанд сэлэлтийн төрөлд 8 алт авсан бол бусад орны тамирчид 7 алтан медалийг авчээ

20. АНУ хангалтгүй гэж үзэж байгаа ч хөнгөн атлетикийн тэмцээнээс хамгийн олон алт /7/ хамгийн олон тооны медалийг /23/ хамсан байна.

21. АНУ-ын хувьд хамгийн амжилтгүй оролцсон төрөл нь бокс бөгөөд 12 төрөлд зохиогдсон тэмцээнээс ганц хүрэл медаль авсан. 3-н ч олимпод дараалан амжилт муутай оролцож байгаа хэдий ч боксын төрөлд АНУ нь түүхэн дэхь хамгийн олон медаль /109/ хүртсэн улс

22. Хятад улс ширээний теннисний төрөлд боломжит 12 медалиас 8-ийг нь, усанд шумбалтын боломжит 8 алтаас 7-г авсан байна.

23. Их Британи улс дугуйн уралдааны 10 алтын 7-г авч нийтдээ энэ төрөлд 12 медаль хүртжээ. Бусад орнууд энэ төрлөөс 18 медалийг авчээ.

24. АНУ сагсан бөмбөг, элсний воллейбол, Орос уран сайхны гимнастик, уран сайхны сэлэлт, Хятад ширээний теннис, трамполины төрөл тус бүрт зохиогдсон тэмцээнүүдийн алтыг хамсан байна.

25. Швед улс алт авалгүй хамгийн олон мөнгөн медаль авсан улсаар тодорчээ /4 мөнгө, 1 хүрэл/

26. Армени улс 6 хүрэл медаль авсан бөгөөд алт, мөнгөн медаль хүртээгүй байна.

27. Хуучны ЗХУ-ын тухайд, түүний бүрэлдэхүүнд багтаж байсан орнууд нийтдээ 173 медаль Бээжингээс авчээ.

28. 1992 оны олимпод Куба улс алтан медалийн тоогоороо 5рт жагсаж байсан бол 2008 онд 28-р байранд оржээ.

29. 1980-с 2008 хүртэл Ямайка улс олимпоос 3 алт авч байжээ. Харин Бээжинд зургаан өдрийн дотор Үсэйн болт гурван алт авсан.

30. Швед улс 20-р зууны эхний хагаст олимпийн медалийн тоогоороо эхний гуравт байнга бичигддэг байв. Харин Бээжинд Скандинавийн хойгийн улс маань 38-р байранд орсон бөгөөд түүхэндээ 2 дахь удаагаа алтан медаль авалгүй гэртээ харьцгаасан байна.

31. Панам, Монгол улсууд түүхэндээ анх удаа олимпийн алтан медаль авчээ. Панам нэг алт авсан бол Монгол улс 2 алтан медаль авсан. Мөн Энэтхэг улсын хувьд зүлэгний хоккейгоос өөр төрөлд олимпоос алтан медаль авч байгаагүй ба 10 м-ийн спорт гар бууны төрөлд оролцсон тамирчин Биндраг эх орондоо анхны алтан медаль авч ирж байгаа мэт төр засгийн хэмжээнд угтан авч байсан болно

32. Хятад оноогоор шүүдэг спортын төрлүүдээс 27 алтан медаль хүртсэн байна.

33. АНУ оноогоор шүүдэг спортын төрлүүдээс 4 алтан медаль хүртсэн байна.

34. Хятадын “бодит” медалийн тоо нь 24/17/14/55 бол
35. АНУ-ын “бодит” медалийн тоо нь 32/31/27/80 ажээ

36. Нийтдээ 958 медаль 87 орны баг тамирчдад очсон бөгөөд олимпийн түүхэнд хамгийн олон медаль гардуулагдаж, хамгийн олон тамирчид медаль хүртсэн байна.