Барилга МН

   Барилгын материал үйлдвэрлэл, худалдаа, үйлчилгээ эрхлэгчдийн үйл ажиллагааг дэмжих зорилготой “Барилгын ханган нийлүүлэгчдийн чуулган” 2017 оны 2-р сарын 15-ны өдөр зохион байгуулагдах гэж байна. Үүнтэй холбогдуулан “Барилга.МН” сэтгүүл шинэ дугаартаа энэ чиглэлээр түлхүү мэдээлэл бэлтгэн, уншигчиддаа хүргэхийг зорилоо.

   Энэ салбарт тулгамдаж буй асуудлыг шийдэх гарцыг тодорхойлох, харилцан уялдаатай ажиллах боломжийн талаар БХБЯ-ын Барилгын материал үйлдвэрлэл, лаборатори хариуцсан мэргэжилтэн Г.Цэрмаа, МБМҮХ-ны Гүйцэтгэх захирал О.Лхагвадорж болон бусад мэргэжилтэн, бизнес эрхлэгчидтэй ярилцсаныг уншиж танилцаарай.



   Түүнчлэн жирийн инженерээс яамны Тэргүүн дэд сайд, Сайдын зөвлөх, “Барилга корпораци”-ийн Ерөнхий захирал, Монголын барилгачдын холбооны Дэд ерөнхийлөгч хүртэл дэвшиж, барилгын салбартаа 43 жил ажиллаж яваа хүндтэй эрхэм Л.Шагдаррагчаа гуайг шинэ дугаарынхаа зочноор урьж ярилцлаа.

   Барилга бол олон хүнийг гэр оронтой, эрхлэх ажилтай, идэх хоолтой нь залгахад ихээхэн чухал үүрэг гүйцэтгэдэг салбар. Харин өнөөгийн эдийн засгийн хямралын сүүдэр хамгийн ихээр тусч буй энэ салбар “Хэрхэн яагаад уналтад оров? Энэ гацаанаас гарахын тулд юу хийх ёстой” гээд бидний дунд хөвөрсөөр буй олон асуултад “алт” шиг хариу өгснийг түүний ярилцлагаас унших боломжтой шүү.



   Мишээл барилгын их дэлгүүр дэх Орон сууцны биржид “Үл хөдлөх хөрөнгийн дуудлага худалдаа” явагдах тухай, уншигчдын маань дунд хэзээд эрэлттэй байдаг Шинэ орон сууц, барилгын материалын үнэ ханшийн шинэчилсэн мэдээллийг дэлгэрэнгүйгээр нь хүлээн аваарай.

   Мөн гэр хорооллын хоёр тарифт тоолууртай айл өрхүүдийн цахилгааны шөнийн хэрэглээг тэглэсэн шийдвэр, түүний хэрэгжилт, үр дүн болоод тулгарч болох эрсдэлийн талаар салбарын мэргэжилтнүүдээс авсан тодруулгыг хүргэж байна.



   Мэргэжилтнүүдэд хүргэх Гэр хорооллын дахин төлөвлөлтөд эрчим хүчний хэрэглээг хулгайд алдахаас сэргийлэх боломжийн талаарх зөвлөмжийг энэ дугаартаа бэлтгэлээ.



   Сэргээгдэх эрчим хүчний эх үүсвэрээр агаарын бохирдлыг бууруулах боломж, нийслэл хотынхоо түүх соёлын үл хөдлөх дурсгалыг хайрлан хамгаалах тухай, олон улсын барилгын салбарт ашиглагдаж буй дэвшилтэт технологи, иргэдэд зориулсан амины орон сууц барих болон цонх худалдан авахдаа анхаарах зөвлөмж гээд барилгын салбарын бүхий л төрлийн мэдээллийг цаг алдалгүй “Барилга.МН”-ээс уншаарай.







Сэтгүүл захиалга: