Төрийн үйлчилгээг хүнд сурталгүй байлгах, ажлын хариуцлагыг өндөржүүлэх зорилгоор иргэдээс албан хаагчдын нэр дээр ирүүлсэн гомдлыг бүртгэх картыг хүн бүр дээр хөтөлж эхэлсэн байна. Гурваас дээш удаа гомдол бүртгүүлсэн албан хаагчид арга хэмжээ авч байхаар болжээ. Мөн албан үүргээ хангалтгүй биелүүлсэн хоёр дүүргийн газрын албаны даргыг албан тушаал бууруулан, нэг ажилтанд сахилгын шийтгэл ногдуулсан байна.
Мөн нийслэл, дүүргийн газрын албаны ажилтнуудын ажлын хариуцлага, ёс зүй, зан харилцаатай холбоотой байж болзошгүй гэж үзсэн асуудлыг авилгатай тэмцэх дэд зөвлөлийн хурлаар хэлэлцүүлж, холбогдох арга хэмжээ авч байх журамд шилжжээ. Үйл ажиллагааныхаа талаархи мэдээллийг нээлттэй болгож, нэг албан тушаал дээр удаан жил ажиллаж байгаа албан хаагчдыг дэс дараатай сэлгэн ажиллуулах шийдвэр ч гаргаад байгаа юм байна.