"Их Бүтээн Байгуулалт 2007" барилгын үзэсгэлэн яармаг Мэдээлэл Технологийн Үндэсний Паркд нээгдлээ.  Барилга Хот Байгуулалт, Нийтийн Аж Ахуй Үндэсний төвийн дэд дарга Н.Бат-Эрдэнэ, Guch PR агентлагын захирал Ч.Ундрах,  Нийслэлийн хэрэглэгчдийн эрх ашгийг хамгаалах Нийгэмлэгийн дарга Н.Энхтөр Барилгын Зөвлөгөө Мэдээллийн Төвийн захирал Г.Батсүх нар үзэсгэлэн яармагыг нээж үг хэллээ.
Үзэсгэлэн яармагт Барилга угсралтын болон барилгын материал үйлдвэрлэгч, худалдаалагч томоохон аж ахуй нэгж, компаниуд оролцож байна. Уг үзэсгэлэн яармаг нь 2007 оны 04-р сарын 10-аас 14-ыг дуустал 5 хоног үргэлжилнэ.
Уг үзэсгэлэн яармагт хүрэлцэн ирсэнээр шинэ орон сууц барих, барилгын материалын өргөн сонголт, барилгын салбарт нэвтэрч буй шинэ технологи болон барилгын бүх мэдээ мэдээллийг та бүхэн эндээс олж авах болно.