Салбарын энэ оны шилдэгүүдийг доорхи номинацуудаар шалгаруулахаар шийдвэрлэсэн байна.

Үүнд:

1.    Оны хамгийн их барилга угсралтын ажил гүйцэтгэгч байгууллага;
2.    Шилдэг технологи нэвтрүүлсэн барилгын материалын үйлдвэр;
3.    Оны шилдэг зураг төслийн байгууллага;
4.    Оны шилдэг хөрөнгө оруулагч;
5.    Хамгийн олон ажлын байр шинээр бий болгосон байгууллага;
6.    Мэргэжил сургалтыг дэмжигч шилдэг байгууллага;
7.    Хот байгуулалтын хамгийн шилдэг орчинг шинээр бүрдүүлсэн барилга байгууламж;
8.    Оны шилдэг барилгачин;
9.    Оны шилдэг зураг төсөл зохиогч.

Оны шилдгийг шалгаруулах номинацид ирүүлэх материалыг аймаг нийслэл дүүргийн Засаг даргын Тамгын газар, төрийн бус байгууллагуудаас тодорхойлж, 2007 оны 12 дугаар сарын 01-ний дотор Барилга, хот байгуулалт, нийтийн аж ахуйн үндэсний төвд ирүүлнэ. Барилга, хот байгуулалтын сайдын тушаалаар батлагдсан “Ажлын хэсэг” ирүүлсэн материалыг хянан үзэж номинацийн дагуу шалгаруулна. 

Оны шилдэгт нэр дэвшигчдийн талаар дараах материалыг бүрдүүлнэ.
1.    Аймаг, нийслэл, дүүргийн Засаг даргын Тамгын газрын болон төрийн бус байгууллагуудын тодорхойлолт;
2.    Тухайн байгууллага, аж ахуйн нэгж, барилгачдаас нэр дэвшүүлж буй номинацийн хүрээнд хийсэн ажил, танилцуулга /баталгаажсан байх/;
3.    Нэр дэвшигч байгууллага, аж ахуйн нэгжийн үйл ажиллагааны талаарх захиалагч, хэрэглэгч, ашиглагчийн гаргасан дүгнэлт, тодорхойлолт зэрэг болно.

Барилга, хот байгуулалт, нийтийн аж ахуйн үндэсний төв

Утас: 327442