“Од” кино театрын хажууд барьж буй барилгад ажиллаж байсан краны дэгээ төмөр мултарч, зэргэлдээх байрны цонхыг хагалжээ. Тагтан дээр бяцхан хүү тоглож байсан ч аз болоход хүүгийн биед ямар нэгэн гэмтэл учраагүй байна.

Уг барилгын ажилчдаас энэ талаар тодруулах гэсэн боловч “Эзэн нь хятад хүн байдаг. Тус айлын хохирлыг бүрэн барагдуулна” гэхээс өөр мэдээлэл өгсөнгүй. Барьж буй барилгатай холбоотой маргаан сүүлийн үед тасрахгүй байгаа.

Ажилчдын болон компанийн санамсаргүй, буруутай үйл ажиллагаанаас болж эрдэнэт хүний алтан амь эрсэдсэн тохиолдол нэг биш удаа гарсан. Барилга дээр хэрэглэж буй техник, багаж хэрэгсэл, ажилчдын аюулгүй байдалд хяналт тавих цаг болсныг сүүлийн үед гарсан ослууд харуулж байна.