Монгол Улсын Ерөнхийлөгчийн “Онц байдал тогтоох тухай зарлиг” Нийслэлийн Засаг даргын “Онц байдлын vед авах арга хэмжээний тухай” захирамжийн дагуу нийслэлийн холбогдох байгууллагууд хэрхэн ажилласан талаараа нийслэлийн удирдах ажилтнууд өргөтгөсөн хурал хийжээ. Эмх замбараагvй байдлыг зохицуулахаар нийслэлийн цагдаагийн хvрээний анги, байгууллагын 29 газрын 3762 офицер, цагдаа өндөржvvлсэн байдалд ажиллалаа хэмээн нийслэлийн цагдаагийн газрын дарга О.Зоригт хэллээ.

Энэ vеэр 718 хvнийг тvр саатуулан баривчилснаас 21 нь эмэгтэй, 38 нь хvvхэд байсан гэнэ. Гэхдээ хvчний байгууллагууд мэдvvлэг авахын тулд хvчирхийлэл хэрэглэн мэдvvлэг авч байна гэх яриаг vндэслэлгvй хэмээн тэрээр няцаасан юм. Харин ч Эрvvгийн байцаан шийтгэх хуульд зааснаар хууль журмын дагуу 500 хvнийг шалгаснаас эмэгтэйчvvд, хvvхэд нийлсэн 200 гаруй хvнийг суллаж явуулсан аж. Үлдсэн дөрвөн эмэгтэй, 200 гаруй эрэгтэйг цагдан хорьж, Хvний эрхийн vндэсний хороо, ЦЕГ-ын хяналт дор байцаалт явуулж байгаа гэнэ.

Тvvнчлэн vймээнийг дэгдээн турхирагч этгээдийг олохын тулд ЦЕГ-ын Мэдээлэл, шуурхай удирдлагын төвийн 102 утсыг ажиллуулан иргэдээс 136 мэдээлэл авсан гэнэ. Мэдээллийн эх сурвалж vнэн эсэхийг нотлохын тулд УМБГ-ын шинжээчдийн гурван баг гарч ажиллаж байгаа аж.

Харин Эрvvл мэндийн газрын дарга Ц.Ганхvv “Эмнэлгийн тусламжийг 391 хvн авсан. Өнөөгийн байдлаар хэвтэн эмчлvvлж буй 63 хvн байгаагаас 59 нь цагдаа. Нийт хэвтэн эмчлvvлэгчдээс 11 нь хvнд хагалгаанд орсноос зургаан хvний амь нас дээсэн дөрөөн дээр байна” гэж мэдээллээ.

Нийслэлд онц байдал тогтоосонтой холбогдуулан шатахуун тvгээх станц болон газрын тосны бvтээгдэхvvний агуулах, ДЦС-уудын харуул хамгаалалтыг НОБГ-аас шалгасан аж. Гэвч эдгээр байгууллагын зарим нь тэдний бодож байсан шиг аюулгvй байдлыг бvрэн хангаж чадаагvй байжээ. Нийтдээ химийн бодисын агуулах болон борлуулалтын 35 аж ахуй нэгж, цэвэр усны 24 эх vvсвэр зэрэг нийт 200 гаруй байгууллагыг шалгасан байна. Үvнээс 20 гаруй аж ахуй нэгжийн vйл ажиллагааг зогсоож, зөрчлийг нь арилгуулах vvрэг өгсөн гэлээ.

Харин Соёлын төв өргөө, нийслэлийн Соёл урлагийн газар, Улаанбаатар чуулгын хохирлыг хэмжээг тогтоох ажлын хэсгийнхэн зөвхөн тавилга, хөгжим, тоног төхөөрөмж, дулааны шугам сvлжээний эвдрэл гэмтлийг тооцоход 286,2 сая төгрөг болж байгааг дуулгалаа. Гэхдээ vvнд нийтийн эзэмшлийн талбай, барилгын засварыг оруулаагvй гэнэ.

Өнөөгийн байдлаар гэхэд л цогцолборын 118 хаалга эвдэрч, 224 цонх хагарсан аж. Зөвхөн цонх шиллэхэд 12,5 сая төгрөг зарцуулна гэсэн тооцоог гаргажээ. Харин урлагийн бvтээлийн хохирлын хэмжээг бvрэн тогтоогоогvй байна гэж нийслэлийн Өмчийн газрын дарга М.Ганбаатар мэдээллээ.