Дэлхийд хамгийн өндөрт орох телевизийн цамхагийн суурь тавих ёслол Японы нийслэлд болжээ. "Тэнгэрийн мод" хэмээх нэртэй 600 метр цамхагийг Японы нийслэлийн зүүн хойд хэсгийн Сумиди дүүрэгт барих юм.

Нийт үндэсний хэмжээний телевизийн зургаан компани, тухайлбал, хагас төрийн өмчлөл бүхий Эн-эйч-кей компани оролцож буй уг төсөл 50 тэрбум иенийн /470 сая орчим ам. доллар/ өртөгтэй ажээ. Тадао Андо хэмээх архитекторын бүтээсэн тус цамхагийг 2010 оны сүүлч гэхэд дуусгахаар төлөвлөж байна.

Техникийн энэ гайхамшиг сүндэрлэн босох газар мэдэлд нь байдаг төмөр замын "Тобу" компани барилгын ажлыг эрхлэх ажээ. Телевизийн компаниуд түрээслэгчээр ажиллаж, онцгой тод дүрс гаргадаг тоон дохио нэвтрүүлэхэд цамхагийг ашиглах юм байна. Энэ цамхаг дээр байрлах антеннууд хөдөлгөөнт холбоо болон автомашины навигацын системийг бас үйлчлэх юм.

Одоогоор дэлхийд хамгийн өндөр телевизийн цамхаг нь Канадын Торонто хотод байдаг 553 метр өндөр "Си-Эн тауэр" юм.

МОНЦАМЭ