Байшингийн булан дахь бяцхан ТҮЦ-ээс томоохон супермаркет хүртэл хүүхдэд зориулсан живхийг худалддаг. Нярай хүүхдийн арьсанд нөлөөгүйн дээр хүүхэд өсгөх туршлагаар маруухан залуу эцэг эхчүүдэд муухан эмээтэй дүйцэхүйц ач тустай эд гэдгийг хэн бүхэн хүлээн зөвшөөрдөг ч хэн гээч ид шидтэн тэрхүү ачтай зүйлийг бүтээсэн тухайд төдийлөн бид мэддэггүй билээ. 1961 оны энэ өдөр анхны живх худалдаанд гарч эхэлсэн байна. Америкт нүүр гарын шингэн савангийн технологийг буй болгосон гэдгээрээ алдаршсан барилгын биш, химийн инженер Виктор Миллз памперс буюу живхийг санаачилжээ. Энэ түүний амьдралд тохиосон нэгэн явдлаас үүдэлтэй ажээ. Өвгөн инженер Миллзийн бага охин нэгэн бүтэн сайн өдөр аавындаа айлчлан ирж, ирсэн оройгоо өвөөгөөр нь бяцхан хүүгээ харуулжээ. Тэгэхэд л өвгөн инженерт өлгийтэй зээ хүүгээ яавал уйлуулахгүйгээр хуурайлж болох вэ гэх бодол төрсөн гэдэг. Тэгээд тэр шөнөө хуурайлахгүйгээр аргалчих живх хийхээр санаа шулуудан эмэгтэйчүүдийн ариун цэврийн хэрэглэл шиг , түүнээс хэмжээний хувьд том, нимгэн памперсийг зохион бүтээж , үүнийгээ маргааш өглөө нь зээ дээрээ туршиж үзсэн гэдэг.