Энэ жилийн зам барилга, засварын хамгийн чухалд тооцогдох ажил нь Улаанбаатар-Лүнгийн чиглэлийн 106 км хатуу хучилттай замын ажил гэж болно.

                Энэ онд Архангай аймгийн Хануйн гүүрнээс Тариат чиглэлд 64 км, Арвайхээр-Баянхонгор чиглэлд 23 км, Өндөрхаан-Сүмбэрийн чиглэлд 50 км, Ховд аймгийн Үенч-Булганы 40 км, Хархорин-Хужиртын 38.5 км, Мөрөн-Өндөрхааны чиглэлд 48 км, Дашинчилэн-Орхоны 29 км, Булган-Уньтын чиглэлд 88 км хатуу хучилттай автозам шинээр ашиглалтад оруулахаас гадна Хархорин-Цэцэрлэг хоорондын 90 км хайрган хучилттай замыг хатуу хучилттай болгох юм байна.

                Мөн Арвайхээр-Баянхонгорын чиглэлийн замын үргэлжлэл 27 км, Өндөрхаан-Сүмбэрийн 56 км, Халзан бүргэдэй-Солонготын чиглэлд 180 км, Баянхонгор-Нарийнтээл чиглэлийн 500 км, Улаангом-Тээлийн 15 км, Баян-Өлгий-Цагааннуур чиглэлд 40 км, Ховд аймгийн Булган сум, Үенчийн чиглэлд 20 км, Архангай аймгийн Их тамираас Завхан аймгийн Тосонцэнгэл хүртэлх 37 км, Булган-Уньтийн чиглэлийн 74 км замыг барих ажлыг эхлээд байгаа аж.