Эрдэнэтчүүдийнхээ санаа бодлыг өвөрлөн ирсэн аймгийн Ардчилсан холбооны гишүүд өчигдөр хэвлэлийн бага хурал зарлалаа. Тэд 11-р сарын 3-аас 12-р сарын 3-н хүртэл бүтэн сарын турш Орхон аймагтаа “Эрдэнэтчүүдийн эрх зөрчигдөх ёсгүй“ хэлэлцүүлэг  явуулахаар болж байгаа юм байна. Энэхүү хэлэлцүүлэгт оролцож өөрийн аймагт тулгамдаж байгаа асуудлуудыг нийт Орхон хотынхоо оршин суучигдаас санал авах юм. Ингэх болсон гол шалтгаан нь Орхон аймагт хүний эрх, эрх чөлөөнд халдах асуудал гарч байна. Мөн ажилчдын эрх ашиг, ажилгүйчүүд их байна гээд тулгамдаж буй асуудал олон.

                   Нийслэл хотод маань бугшаад байгаа өнөөх л Хятад ажилчид Эрдэнэт хотыг бас бүрхжээ. Барилга дээр ажиллаж байгаа Хятад ажилчид Монгол ажилчдыг дарамталдаг бөгөөд хууль бус Хятад ажилчид ч гэсэн энэ дунд байгаа гэнэ. Мөн хурлыг зохион байгуулагч нар болох МАХ-ны тэргүүлэгч гишүүн Д. Энхбат, Орхон аймгийн ардчилсан холбооны гишүүн Батсайхан, Зориг, нарийн бичгийн дарга Бадамжав нар ярихдаа чанаргүй барилга баригдаж байна. Ингэснээр манай Эрдэнэтчүүдийн эрх ашиг хөндөгдөж байгаа юм гэсэн нь тэдний энэхүү зохион байгуулсан  хурлаараа яг юуг хэлэх гээд байгаа нь тодорхойгүй байгаа нь харагдаж байлаа. Ямартай ч тэд цаашдаа ажилгүй барилгачидын зөвлөгөөн хийхээр төлөвлөж байгаа юм байна.

 Д.Нарантуяа