Интернэт хайлтын мангас "Google" компани "Android" үйлдлийн систем ашиглан бүтээсэн анхны гар утсаа олон нийтэд танилцуулаа.

Интернэтийн хамгийн том компанийн үйлдлийн систем бүхий гар утасыг "T-Mobile" харилцаа холбооны компани өөрийн үйлчилгээнд оруулсан байна. Тус компани энэ оны сүүлч гэхэд 200 мянган шинэ төрлийн гар утас борлуулахаар төлөвлөжээ. "G1 smart phone" нь "Apple" компанийн бүтээсэн "iPhone" гар утастай олон талаараа төстэй аж. Энэ утас нь хурууны мэдрэгчтэй бөгөөд товчлуурыг эвхдэг загвартай юм. Энэхүү гар утасыг хэрэглэгчид 10 дугаар сараас АНУ-д "T-Mobile" компанийн сүлжээг ашиглан хэрэглэх боломжтой. Харин Британид 11 дүгээр сараас ашиглаж эхлэх гэнэ.

Google компани өнгөрсөн жил wireless төхөөрөмж бүхий "Android" үйлдлийн систем гаргах тухай зарласнаас хойш эхний гар утсаа бүтээжээ. Мэргэжилтнүүдийн тооцоолсноор ирэх онд дэлхий даяар есөн сая ширхэг "G1" гар утас борлуулах аж. Үнийн хувьд гэвэл "Apple" компанийн бүтээсэн "iPhone" гар утаснаас хямд юм