Монголын нийслэл дэхь гэр хороололын ядуу өрхүүдэд тэсгим өвлийг давахад нь зориулж халуун хүйтнийг маш сайн тусгаарлагч гэрийн давхарга өгнө гэж Азийн Хөгжлийн Банкнаас /АХБ/ лхагва гаригт мэдэгдэв.

Филиппиний нийслэл Манилд төвтэй АХБ энэ өвөл хэрэгжих хоёр сая долларын төсөвтэй, маш сайн тусгаарлагч гэрийн давхарга Улаанбаатрын гэр хорооллын хамгийн ядуу 4000 өрхэд олгохоор болжээ. Энэ төсөл дулаан байлгахын тулд түлээ, нүүрс хэрэглэдгийг багасгах, гэрийн доторх агаарыг сайжруулах гэдэгт найдаж байгаагаа АХБ-ныхан хэлжээ.

Давхарга бүр 323 орчим долларын үнэтэй ажээ. Монголын өвлийн цаг агаар туйлын хатуу, Монголын хүн амын 60 гаруй хувь нь Улаанбаатарт амьдардаг, Улаанбаатар дэлхий дээрх хамгийн хүйтэн нийслэл хот, мөн Улаанбаатрын өвлийн агаарын бохирдол асар муугаас хотын оршин суугчдын дунд амьсгалын замын ноцтой өвчнүүд газар авсан" гэж АХБ-ны зүүн Ази салбарын нийгмийн хөгжлийн мэргэжилтэн Терухиса Ой хэлэв. Монголын уламжлалт сууцанд /гэр/ банкны хадгаламжгүй, доогуур орлоготой айл өрх амьдардаг байна.

Гэр бүр ердөө нэг эсвэл хоёр давхар хар эсгий давхаргатай байдаг. Өдөр бүр нэгээс хоёр долларын орлоготой ядуу гэр бүл сууцаа дулаан байлгах нүүрс, түлээгээ авч чаддагүй байна.