Барилга МН

СБД-ийн VI хороо, МУИС-ийн хичээлийн III байрны замын эсрэг талд хоёр дав­хар орон сууцны нэг давхарт байрлах "Зоос" банкны сал­бар нийтийн эзэмшлийн зам талбайд өргөтгөл хийжээ. Ингэхдээ хоёр хүн зөрөхгүй явган хүний зам гаргасан байна. Улмаар офиссынхоо харалдаа урдах, замын ха­жуугийн ногоон байгуулам­жийн хэсэгхэн талбайг цементээр сольжээ. Уг нь орон сууцны нэг давхарт өргөтгөл хийхийг хориглосон Улаанбаатар хотын Захираг­чийн ажлын албаны тушаал гараад хоёр дахь жилдээ хэрэгжиж байна. Бас саяхан хотын Ерөнхий менежер ийм шийдвэр гаргасан билээ.

Гэтэл "Зоос" банк хууль дүрмийг үл тоомсорлож иргэдийн амгалан тайван байдлыг алдагдуулж, өргөт­гөлөө хийж байгаа нь оршин суугчдыг бухимдуулж байгаа. Өргөтгөлийг орон сууцнаас таван метр урт сунгасан байна. Ингэхдээ дээд давх­рын айлын гурван өрөөг дамнаж барьжээ. Оршин суугч Д.Оюунгэрэл ярихдаа "Манай хоёр өрөөг гал тогоо­той хамарч өргөтгөл барьчих­лаа. Урьд нь бид гадаа явж байхдаа дороосоо тагтаа харах боломжтой бай­сан бол одоо тэгэхийн тулд замын эсрэг талд нь гарах шаард­лагатай боллоо. Мэр­гэжлийн хяналт болон дүүр­гийнхээ газрын албанд удаа дараа өргөдөл өгсөн боловч ямар ч шийдвэртэй хариу өгсөнгүй. Газрын алба нь болохоор бид шаардах хуу­дас өгсөн, нураах эрхгүй гэх юм. Тийнхүү шаардах хуудас өгөөд байхад "Зоос" банкны­хан өдөр шөнөгүй, чимээ гаргаад богино хугацаанд өргөтгөлөө бариад дуусга­чихлаа. Холбогдох бай­­гуул­лагууд нь энэхүү хууль зөрч­сөн үйлдлүүдийг бие бие рүү­гээ чихээд ха­риуцах эзэнгүй болж бай­гаа нь харамсалтай" гэв.