Моринд зориулж ийм үнээр босч буй 108 суваргыг Арвайхээрийн талд аравнайлжээ. Домогтой хурдан хүлэг олон ч хэд хэдэн хөшөөгөө хүний гараар босгуулсан нь ховор. Бүүр хөшөөнөөс "даварч" бүхэл бүтэн хотыг нэрээрээ дуудуулсан Арвайхээр морь төрсөн талдаа дурсгалын цогц байгууламжид өнгөрсөн жилээс эхлэн мөнхөрсөн юм.

Өвөрхангай аймгийн Арвайхээр хотоос баруун урагш хагас өртөө зайд Арвайтолгой хэмээх өндөрлөгт энэ байгууламж морины "Арвагар хээр" холбооны санаачилгаар боссон нь энэ намар ийнхүү өргөжиж байгаа нь энэ аж. Цогцолборт морины хөшөөнөөс гадна бурхан, хагас тойрог маягаар босгосон багана зэрэг орж бараг хагас тэрбумын өртгөөр босгосон бол энэ намар тус бүр нь 2.6-3 саяын үнэтэй бэлгэдлийн 108 суварга үйлдэж цогцолбороо тэлж байгаа аж. Байгууламж цаашид ч өргөжих бөгөөд ирэх сарын 2-нд хурдан хүлгийн дурсгалд зориулсан томоохон хэмжээний наадам зохион байгуулахаар бэлтгэж байна.

МОНЦАМЭ