Олимпийн найдлага хэмээгдэж байсан жүдоч Х.Цагаанбаатар, Бундмаа, Нямхүү нар эхний тойрогтоо ялагдаж цааш барилдах эрхгүй болж, медаль авах найдлагагүй болоод байсан учраас цаашдаа медаль авах эсэхэд эргэлзэж эхлээд байсан энэ үед маш том амжилтыг эх орондоо авчирлаа. О.Гүндэгмаа  урьдчилсан шалгаруулалтаас тэргүүн байраар гарч олимпийн дээд амжилтыг давтаад байсан ч финалын буудлагаар өрсөлдөгчөөсөө тун ялимгүй оноогоор хоцорч удаахь байранд орлоо.

Германыг төлөөлж оролцсон Д.Мөнхбаяр хүрэл медаль хүртэв. Нэгэнтээ Барселоны олимпод Монгол орноо төлөөлөн оролцож, хүрэл медаль хүртэж байсан тамирчин юм. Хоёр Монгол хүн медаль гардуудах тавцан дээр зэрэгцэн зогсоод шагналаа авч байгааг харахад манай спортын хөгжил хаана явна нь вэ гэх эргэлзээ арилж, дэлхийн энтэй тамирчдаараа бахархах сэтгэл өөрийн эрхгүй төрсөн.

Мөнгөн медалийн амжилтаар медалийн буухиагаа эхэлсэн бокс, чөлөөт бөх, жүдогийн тамирчид маань өөр олон медалийг эх орондоо авчирна гэдэгт эргэлзэхгүй байна.

     08.16-нд Чөлөөт бөх: эм. 48, 55 кг Ц.Энхжаргал, Н.Отгонжаргал.
                            Бокс: 48, 54 кг, хоёрдугаар тойрог
                            Хөнгөн атлетик: эм. 400 м /урьдчилсан/ Б. Мөнгөнтуяа

     08.17-нд Чөлөөт бөх: эм. 63 кг Б.Одончимэг.
                            Бокс: 64 кг, шөвгийн найм

     08.19-нд Чөлөөт бөх: эр. 55 кг Б.Наранбаатар
                            Бокс: 48, 54 кг, шөвгийн найм

     08.22-нд Бокс: бүх жин хагас шигшээ тэмцээн