Нийслэлчүүд амарч зугаалах бас нэгэн газартай боллоо. Чингэлтэй дүүргийн нутаг, хуучнаар “Ард” кинотеатр, одоогоор “Анод” банк байрлаж байгаа барилгын өмнөх талбай төрхөө өөрчлөв. Хотын ерөнхий төлөвлөгөөнд цэцэрлэгт хүрээлэн байхаар тусгагдсан уг газарыг усан оргилуур, амралтын талбай бүхий цогцолбор болгон өөрчлөн засварлажээ.

Нийслэлийн Хот, нийтийн аж ахуйн хэлтэс санхүүжүүлж, тус дүүргийн Тохижилт үйлчилгээний хэлтсийнхэн цэцэрлэгт хүрээлэн барих ажлыг гүйцэтгэжээ.

Усан оргилуур, усалгааны системийн хошуу нь гууль учир эргэн тойрных нь албан газарт өнөөдөр хүлээлгэж өгөх аж. Тэд гууль бүхий хошууг урт гартнуудад алдахаас хамгаалах бөгөөд засвар үйлчилгээг дүүргийн Үйлдвэр, үйлчилгээний хэлтэс хариуцах юм байна.