Үнэгүй

Барилга МН

 
Дагах

Нүүрснээс түлш гаргах төслийг ерөнхий сайдад танилцууллаа

Barilga Barilga
2019-11-05
Нүүрснээс түлш гаргах төслийг ерөнхий сайдад танилцууллаа
Үзсэн: 1344
Төслийг ICM компани Германтай хамтран хийж байгаа юм. Тэдний тооцоолсноор нүүрснээс шинэ түлш гаргах үйлдвэр байгуулахад 2,4 тэрбум ам.долларын хөрөнгө оруулалт шаардлагатай юм байна. Үүний 30 хувийн хөрөнгө оруулалт эхний ээлжинд шаардлагатай байгаа ажээ. Тиймээс эхний ээлжийн хөрөнгө оруулалтыг шийдэх, гарсан бүтээгдэхүүнийг худалдан авах баталгааг Засгийн газар гаргах, гааль НӨАТ, аж ахуйн нэгжийн орлогын албан татваруудаас чөлөөлөх зэрэг хүсэлтийг ICM компани тавьж байлаа.

Төсөл саадгүй хэрэгжвэл үйлдвэр 2014 он гэхэд ашиглалтад орж, хоногт 18 мянган баррель бензин үйлдвэрлэж, таван жилд хөрөнгө оруулалтаа нөхөх боломжтой юм байна. Түүнчлэн энэ үйлдвэрээс гарах дулаан, уур зэргийг үнэгүй ашиглах боломжтой гэдгийг төслийнхөн танилцуулсан ч энэ талаар ямар нэг тооцоо судалгаа хэлээгүй юм. Харин нэлээн тодорхой тооцоо судалгаа гаргах хэрэгтэйг Ерөнхий сайд анхаарууллаа. Мөн энэ үйлдвэрээс нэг тонн бензин 520 орчим ам.доллараар гарах бол дагалт бүтээгдэхүүн болох шингэрүүлсэн хий нь тун хямдхан бараг л үнэгүй шахуу гарах бололтой.

Харин бүтээгдэхүүнийг худалдан авах баталгаа гаргах хүсэлтийн хувьд Ерөнхий сайд С.Баяр, тав зургаан жилийн дараа дэлхийн зах зээл дээр нэг баррель нефтийн үнэ 45 ам.доллараас буучихвал бид аль хямдыг нь авах болно. Тийм болохоор энэ асуудлыг ч гэсэн тооцох хэрэгтэйг, ийм төсөл хийж байгаа өрсөлдөгч хэд хэдэн компани байгааг ч мөн санууллаа.

МОНЦАМЭ