Зурвас бичих
Messenger
Залгах
- Barilga
- 2019-11-06
БАРИЛГЫН МАТЕРИАЛ ҮЙЛДВЭРЛЭГЧ, ИМПОРТЛОГЧДИЙН АНХААРАЛД
БХБЯ, Барилгын хөгжлийн төвийн “Бүтээгдэхүүний баталгаажуулалтын алба” MNS ISO/IEC 17065:2013 стандартын шаардлага ханган Стандартчилал, хэмжилзүйн газрын даргын 2015 оны 07 дугаар сарын 09-ний өдрийн А/223 тоот тушаалаар итгэмжлэгдсэн.
Дотоодын болон импортын барилгын материал, бүтээгдэхүүнд хэрэглэгчийн итгэх итгэлийг нэмэгдүүлэх, зөв сонголт хийхэд туслах, хуурамч бүтээгдэхүүнээс хэрэглэгчийг хамгаалах, бүтээгдэхүүний өрсөлдөх чадварыг дээшлүүлэх зорилгоор барилгын 36 төрлийн 205 нэрийн бүтээгдэхүүнд баталгаажуулалт явуулан “ТОХИРЛЫН ГЭРЧИЛГЭЭ” олгож байна.
Дотоодын болон импортын барилгын материал, бүтээгдэхүүнд хэрэглэгчийн итгэх итгэлийг нэмэгдүүлэх, зөв сонголт хийхэд туслах, хуурамч бүтээгдэхүүнээс хэрэглэгчийг хамгаалах, бүтээгдэхүүний өрсөлдөх чадварыг дээшлүүлэх зорилгоор барилгын 36 төрлийн 205 нэрийн бүтээгдэхүүнд баталгаажуулалт явуулан “ТОХИРЛЫН ГЭРЧИЛГЭЭ” олгож байна.
Тус Төвийн “ Бүтээгдэхүүний баталгаажуулалтын алба” нь
- “Барилгын тухай хууль”-ийн 16 дугаар зүйлийн 16.3-т “ барилга байгууламж барих, шинэчлэх, өргөтгөх, засварлах ажилд олон улсын болон үндэсний стандартын шаардлага хангаагүй , гарал үүсэл, тохирлын гэрчилгээгүй материал, эдлэхүүн .. хэрэглэхийг хориглоно”,
- 16.6-т “Импортын барилгын материал гарал үүсэл, тохирлын гэрчилгээтэй байна”,
- 18 дугаар зүйлийн 18.1.5-д “барилгын материал, түүхий эд, бүтээгдэхүүнийг итгэмжлэгдсэн сорилт туршилтанд тогтмол хамруулан, ...тохирлын гэрчилгээ авсан байх” ,
- “Стандартчилал, тохирлын үнэлгээний тухай хууль”-ийн 16 дугаар зүйлийн 16.1-д “Нийтийн ашиг сонирхол, хүний эрүүл мэнд, хүрээлэн байгаа орчин, улс орны аюулгүй байдалд хохирол учруулж болзошгүй бүтээгдэхүүнийг үйлдвэрлэл эхэлсэнээс хойш гурван сарын дотор тохирлын баталгаанд заавал хамруулна”,
- 16.14-т энэ хуулийн 16.1 –д заасан бүтээгдэхүүнийг улсын хилээр нэвтрүүлэхэд дараахь нийтлэг шаардлага тавина,
- 16.14.1-д “ бүтээгдэхүүнийг тохирлын баталгаатайгаар нийлүүлэх талаар худалдааны гэрээ, хэлэлцээрт тусгасан байх,
- 16.14.2-т “экспорт, импортын бүтээгдэхүүнийг тохирлн гэрчилгээ болон түүнтэй адилтгах баримт бичиггүйгээр улсын хилээр нэвтрүүлэхгүй байх,
- Монгол Улсын Засгийн Газрын 2012 оны 171 дугаар тогтоолын 4.4.3 “барилгын үйлдвэрлэлийн чанарын хяналт, баталгаажуулалтыг шинэ түвшинд гаргах зорилгоор барилгын үйлдвэрлэлд зөвхөн тохирлын гэрчилгээтэй материал, бүтээгдэхүүн хэрэглэх...” гэж заасан хууль, тогтоолын хэрэгжилтийг хангуулан ажиллаж байна.
Иймд барилгын салбарт үйлдвэрлэл, үйлчилгээ, импортын худалдааны чиглэлээр үйл ажиллагаа явуулж байгаа ААНБ, компаниуд манайд хандан бүтээгдэхүүнээ баталгаажуулалтанд хамруулан “ Тохирлын гэрчилгээ”- авч ажиллах нь зүйтэй байна.
Барилгын хөгжлийн төвийн бүтээгдэхүүний “Баталгаажуулалтын алба” –ны тохирлын баталгаажуулалтанд хамрагдах бүтээгдэхүүний нэр төрлийн жагсаалт ЭНДЭЭС ТАТАЖ АВНА УУ