БХБЯам, БХБНААҮТөв, Барилга.мн барилгын зөвлөгөө мэдээллийн төв хамтран зохион байгуулж буй “Барилга Экспо-2008” олон улсын барилгын үзэсгэлэн яармаг “Дэлхийн чанарыг Монголд” уриан дор өнөөдөр албан ёсоор нээлтээ хийлээ.

Барилга бол тухайн орны хөгжлийн толь гэдэг. Тэр тундаа барилга, орон сууцны чанар тухайлан ихээр яригдах болсон энэ үед “Дэлхийн чанарыг Монголд” хэмээх учир холбогдол бүхий уриан дор энэхүү үзэсгэлэн яармагийг зохион байгуулж байгаа билээ. Нээлтийн ажиллагаанд Барилга, хот байгуулалтын сайд Ц.Цолмон, БХБЯамны төрийн нарийн бичгийн дарга Б.Төмөрхуяг, БХБНААҮТ-ийн дарга Б.Бямбажав, гадаадын дипломат төлөөлөгчийн газрын төлөөлөгчид зэрэг албаны хүмүүс оролцон нээж үг хэллээ.

Үзэсгэлэн яармагт барилга угсралт шинэ орон сууц, барилгын материалын худалдаа, үйлдвэрлэл, үл хөдлөх хөрөнгө, тоног төхөөрөмж нийлсэн 120 гаруй байгууллагууд оролцож байгаа бөгөөд үзэсгэлэнгийн 4 дэхь өдөр шилдэг байгууллагуудаа тодруулах юм.

Үзэсгэлэн яармаг 2008 оны 08 сарын 22-с 26-ны өдрүүдэд Мишээл Экспо төвд үргэлжилнэ. Улсын драмын эрдмийн театрын үүднээс цаг тутам том оврын автобусаар үнэгүй үйлчлэн үзэсгэлэнгийн төвд хүргэж өгнө.

БАРИЛГА.мн