Хятадууд зузаанаас, монголчууд өргөнөөс нь хасдаг болохоор монголд тавьж байгаа зам стандартын бус болдог хэмээн хүмүүс амны зугаагаа гарган ярьдаг. Тэгвэл Улсын мэргэжлийн хяналтын газраас Булган, Архангай, Өвөрхангай, Баянхонгор, Говь-Алтай болон Ховд аймгийн Үенч сум, Увс, Баян-Өлгий аймагт шинээр барьж байгаа нийт 553 км улсын чанартай зам болон 580.85 метр гүүрийн барилга угсралтын ажлын чанарт хяналт шалгалт хийсэн байна. Хяналт шалгалтын явцад авто замын барилга угсралтын ажлын технологийн горим зөрчигдсөн. Тухайн даланд техникийн шаардлага хангаагүй материал дэвссэн. Нөөц ордын ащиглалт хангалтгүй байгаа, төмөр бетон хоолой нь чанарын шаардлага хангахгүй цутгагдсан асфальт бетон хольцын орцын мөрдөлт хангалтгүй зэрэг олон дутагдал илэрсэн байна. Түүнчлэн хайгуул судалгааны болон зураг төсөл, техникийн шаардлага алдаатай байснаас барилга угсралтын чанар муу. Инженер Геологийн хайгуулаар заасан орд газрын материал, зураг төсөлд заасан зам, замын байгууламжийн ажлыг гүйцэтгэх явцад гарах ухмалын материал нь тухайн газар дээрх бодит байдалд тохирдоггүйгээс барилга угсралтын чанар, хугацаанд нь сөргөөр нөлөөлдөг байна. Тухайлбал, Увс аймгийн Тээлдийн голын гүүрний инженер геологийн судалгаагаар 3-5 метрт хад байхаар тусгагдсан боловч барилга угсралтын явцад 0.20-0.50 метрт хад илэрсэн. Мөн Цэцэрлэг-Цэцүүх чиглэлийн 37.6 километр хайрган хучилттай авто замыг хатуу хучилттай болгох замын зураг төсөлд ухмалаас гарсан материалыг далангийн дүүргэлтэд ашиглахаар заасан боловч заримынх нь газар шорооны ажлыг гүйцэтгэх явцад чулуун материал гарсан нь даланшйн дүүргэлтэд ашиглах боломжгүй болсон байна. Энэ бүхнээс гадна барилга угсралтьш ажлын явцад техникийн шаардлагад заасны дагуу түр зам гаргаагүйгэс олон салаа зам үүсч газрын енгөн хөрс эвдэж тоос ихээр босч хөдөлгөөний аюулгүй байдал, байгаль орчшд сөрөг нөлөө үзүүлж байна хэмээн шалгалтын ажлын хэсгээс дүгнэлт гаргажээ. Гэтэл авто замын барилга угсралтын ажлын гүйцэтгэгч нь олон тендерт шалгарсан мөртлөө тухайн объектод ажиллах чадавхи, техник тоног төхөөрөмжийн хүчин чадал хүрэлцээгүйгээс барилгын ажил нь эхлээгүй газрууд ч байгаа гэх. Үүнд, Хархорин-Цэцэрлэг чиглэлийн 47 км хатуу хучилттай авто замын II хэсгийн 22.9 км, IV хэсгийн 7.1 километрын хайрган замыг хатуу хучилттай болгох барилга угсралтын ажлыг “Нутгийн зам”, “АСБИ” ХХК. Мөн тендерийн хороо, үнэлгээний хэсэгт мэргэжлийн зөвлөгөө өгч ажилласан ШУТИС-ын үйлдвэрлэлийн автоматжуулалтьш багийн Ph.D П.Аюурзанын гаргасан “…Тендерт оролцогчдоос “Өгөөмөр трейд” ХХК илт давуу байгаа тухай”, 2005 оны 11 дүгээр сарын 22-ны дүгнэлтййг БСШУЯ зөрчиж дохиоллын системийн угсралтын ажлын баримт бичиг бүрдүүлээгүй зэрэг нь юм.